ROMRÜ KILIM PAULNÜ ATHRÜTKHI KIHÜM HUHTANYU 16:18 - AMÜSÜH HÜM CL Bible (BSI)

¹⁸ Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

ROMRÜ KILIM PAULNÜ ATHRÜTKHI KIHÜM HUHTANYU 16:18 Iomraidhean Croise

2 SAMUEL 15:6

Hanangde kiulongthsüpuh kilim mahkhaprü arürü Israel abande Absalomnü rhimo; jumonü Absalomnü Israel mihtsürü mulong ahüh.

2 KIUTHSÜYUKHEAN 18:5

Judüki Israel kiulongthsüpuhnü wukihrübo 400 bemukhung, tüsho arü ki tha, “Isa Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Thrünpuhnü ju kiulongthsüpuh khah ching jihbah.”

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

MÜCHITMUDU 22:3

Rük larünü atrebe ngübah jikchoh; tüshe lümlangrünü judü lang yüchoh tüsho thsünüa luchoh.

MÜCHITMUDU 8:5

O nüsa lümthülihrübo, lümlung anikhitang, tüsho nüsa makharübo, anikhitkhi mulong thsang.

JEREMIA 23:17

Atungpuh yu mükhemükimrü kheak arünü thachoh, “ Nüsa tsüde alabah;” tüsho nihnihde nihbuh mulongkhi ching yanrü ki arünü thachoh, “Thsümütsü tümü she nüsa kheak marü.”

EZEKIEL 13:16

Israel wukihrü sherübonü Jirusalem ki müchitkhea tüsho mungtsü mülachoki mungtsü michih ngükhea, Wuto Atungpuhnü thachoh.

EZEKIEL 13:19

Barli müyikhüh tüsho yikhap dütrekhüh dün nüsanü I mihtsürü bolung I müneanjihdo. I mihtsürü ki akeangyu thaa anishihde, nüsanü müshepü larü laksahdo tüsho mülapü larü lashihdo.

DANIEL 11:34

Küyimki arü akeambanü, arü arung anikhüh ngübah, tüsho rüklimnü ahihdo arü lung bebah.

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

MALAKI 1:10

O, nüsa khürünü arüngyam ripitbo rihkhülaa, junangde nüsanü akeangkeang ching I kingaün sadam kheak mo mütakkih! Inü nüsa kheak asühkhi müla, Wuto Atungpuhnü thachoh, tüsho inü nüsa khah chingnü kingaün müleangkhi.

MATHI 24:11

Arükchih wukihrü ahihkhüh akhiukbah tüsho ahihkhüh mülapyukbah.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.

GALATIA 1:10

Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.

FILIPI 2:21

Arü alalanü Jisu Khrista thsungkheak yungde arü nihbuh künkhi yimchoh.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

KOLOSI 2:4

Shenü she thiyu akenü nüsa mümülapyukshihpü inü ha thachoh.

KOLOSI 3:24

tümütüsho yamrüplurüp thsambah Atungpuh kilimnü aleangkhibah de nünü mükheahlah; nü a Atungpuh Khrista tankihchoh.

2 TESALONIKA 2:10

tüsho adükheakpü larü thsungkheak rük amütsü alala labah, tümütüsho arünü thiyuro muzhobah akhümkhitpü lakhi reanglo.

1 TIMOTHI 6:5

tüsho thiyuro mülade tüsho akinkhi ju alarü kampü limro ah de alümkhi mihtsürü dükeak atsangachih akhiukshihchoh;

JAKOB 1:1

Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

1 SAMUEL 2:29

Dale küde thsah inü thiyukhüm jihkhi laksah-a kingaünkhi tüsho jihchungkhibo kheak mükhütde kheahcho, tüsho I mihtsürü Israelrünü kingaünkhi atsüdakbe shihcham lude nüsa shih kihde I kheaknü nü tsührübo ki wüntre jihcho?’