ROMRÜ KILIM PAULNÜ ATHRÜTKHI KIHÜM HUHTANYU 15:5 - AMÜSÜH HÜM CL Bible (BSI)

⁵ Adüküng tüsho tuthsukkhi Thrünpuhnü Jisu Khrista lung arihde khülangnü khülang arihakode alapü nüsa ki mülüshang,

ROMRÜ KILIM PAULNÜ ATHRÜTKHI KIHÜM HUHTANYU 15:5 Iomraidhean Croise

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

JEREMIA 32:39

Inü arü kilim mulong khülang tüsho limro khülang jihbah, junangde arü tsükhi tüsho arü dunglim arü tsührübo tsükhi dünkheak lünnü arünü I trebah.

EZEKIEL 11:19

Inü arü kheak mulong khülang jihbah tüsho arü kheak me aso khülang yukjihbah; inü arü shih chingnü lung mulong yihkhitbah tüsho arü kilim shihtsü mulong jihbah.

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:3

Tümütüsho Khristanü nihbuh masühshih; tüshe amüsühyu ching thrütkhi nangde, “Nü mükhemükimkhibo I kheak keam.”

1 KORINT 1:10

Keoniorübo, nüsa alala arihakode nüsa bolung achamnak mülapü tüsho lümkhi rukhüh tüsho zanzhak rukhüh ching arihakopü inü nüsa ki tuthsukchoh.

2 KORINT 13:11

Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah.

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

FILIPI 1:27

Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah.

FILIPI 2:2

ju lümkhi, amuzho, arihako tüsho lümkhi khülangnü I asühkhi banthsangshang.

FILIPI 3:16

Isanü khiunga lakhi thiyuro ju lang tholoanü.

FILIPI 4:2

Inü Euodia tüsho Syntake ki keoniorü nangde Atungpuh lung arihang de mushuchoh.

1 PETER 3:20

harünü Noanü sangkung thsüde alachoki adüso nimungbo ching Thrünpuhnü arümkheamde aleangchoki mihyumanikheah. Ju ching anükbe, mihtsürü 8 lang ke chingnü khümkhit,

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.