ROMRÜ KILIM PAULNÜ ATHRÜTKHI KIHÜM HUHTANYU 15:30 - AMÜSÜH HÜM CL Bible (BSI)

³⁰ Keoniorübo, I thsungkheaknü Thrünpuh kilim nüsa tamkhüntamnü ching I lung arihpü isa Atungpuh Jisu khrista tüsho Me amuzho hode inü nüsa ki tuthsukchoh,

ROMRÜ KILIM PAULNÜ ATHRÜTKHI KIHÜM HUHTANYU 15:30 Iomraidhean Croise

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

2 KORINT 1:11

Nüsanü she tamkhüntamnü hode isa rungbeah, junangde ahihkhühnü tamkhüntamnü alojihde isa ki müngühmühi mülüjihkhi thsungkheak isa thsung thsüde ahihkhühnü makshe jihbah.

2 KORINT 12:10

Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.

2 KORINT 4:11

Tümütüsho isa ashebe pang ching api rhangdung ngüpü thsüde Jisu dünkheaknü isa rhangdung kamruhroro atrebe ashepü ching lakheah.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 6:19

I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah,

FILIPI 2:1

Jumonü Khrista ching mulong toshihkhi, amuzho sühakhim, Me ching arihako tüsho tsüyihde muzhoachihkhi lasho,

KOLOSI 1:8

apinü Me ching nüsa amuzho isa ki she thaa huh.

KOLOSI 2:1

Nüsa tüsho Laodikea ching larü le I miro müngürü alala thsungkheak inü küdükhüh tode mürangchonü nüsanü mükheahshihnelah,

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 5:25

Keoniorübo, isa thsungkheak tamkhüntamnüjang.

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,

2 TIMOTHI 4:1

Inü nü Thrünpuh tüsho arhang larü le asherü thiyukhappü lakhi Jisu Khrista mikinü tüsho api arüpü lakhi tüsho api kiulongthsü dünkheaknü nü tuthsukchoh: