ROMRÜ KILIM PAULNÜ ATHRÜTKHI KIHÜM HUHTANYU 15:26 - AMÜSÜH HÜM CL Bible (BSI)

²⁶ Tümütüsho Macedonia tüsho Akaiarünü Jirusalem ching amüsührü bolung zhochihrü thsungkheak asühde arung jihpü rhimo;

ROMRÜ KILIM PAULNÜ ATHRÜTKHI KIHÜM HUHTANYU 15:26 Iomraidhean Croise

MÜCHITMUDU 14:21

Shepünü nihbuh yamhingrü mükhemükimchonü neak yihbeakchoh; tüshe shepünü zhochihrü kheak amüthsüm lanü, api a asühpü.

MÜCHITMUDU 14:31

Shepünü zhochihrü junochonü nihbuh Thrünrü bahyukchoh, tüshe shepünü api wüntrechonü müthsümülarü kheak mihmüthsüm lah.

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

ZEKARIA 11:11

Jumonü ju nimung ha thsümünim, tüsho namfimihnu yinzüyindorü I kheak kheahde larübonü ha Atungpuh yu ah de mükheah.

ZEKARIA 11:7

Jumonü, namfimihnu yinzüyindorü thsung thsüde I alaksahpü akhukhi namfimihnu boto neakrü kamdo. Inü tso mahne ludo; khülang mung inü Mihmüthsüm, püpü ki Arihako de jilah, tüsho inü namfimihnu kümchoh.

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 26:11

Tümütüsho nüsa lung zhochihrü kamruhroro labah, tüshe I a kamruhroro müla.

LUKNÜ ATHRÜTKHI THIYUSHEAK-ATSÜ HUHTANYU 14:13

Tüshe küyimki nünü thünio thsakhambanü, zhochihrü, mütsümüyangrü, jingkikrü, müktukrü jiyukang.

LUKNÜ ATHRÜTKHI THIYUSHEAK-ATSÜ HUHTANYU 6:20

Tüsho apinü ajingyanrübo kilim zünga kheahbah tha, “Nüsa zhochihrü asühpü, tümüde Thrünpuh kiulongthsü nüsa yo.

YUNIRÜBO RHIMO 16:12

Ju chingnü Macedonia lomi-chamnak yo kiuto ato, Rom kheang de ajikhi Filipi ching yü. Isanü ju kiuto ching nimung anükhüh mung;

YUNIRÜBO RHIMO 16:9

Tüsho azhing ching Paul ki michih khülang huh: Macedonia mihtsürü khülangnü zhipbah api ki mushude tha, “Macedonia lim arübah isa rungang.”

YUNIRÜBO RHIMO 18:12

Tüshe küyimki Gallio ju Akaia kovünor lakhea, Jihudarünü arihbah Paul ram tüsho mahkhappung ching bedarü.

YUNIRÜBO RHIMO 19:21

Harü dünjishu Paulnü Macedonia tüsho Akaia hode Jirusalem lim yüpü lümkihde tha, “I ju ching yüshu, inü Rom she rhuakheahbeah.”

YUNIRÜBO RHIMO 9:13

Tüshe Ananianü alo, “Atungpuh, ha mihtsürünü Jirusalem ching nü yo amüsührübo kheak küdükhüh amütsü rhimokheanü ahihdo kilimnü inü sodo;

1 KORINT 16:15

Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah;

1 KORINT 16:5

Inü Macedonia ho dunglim nüsa rhuakheahbah, tümüde I Macedonia hopü lümkhi lah,

2 KORINT 1:16

I Macedonia lim yüchoki inü nüsa rhuakheahnelah, tüsho Macedonia ching nüsa kilim alode arübah nüsanü rungde Judea lim yübah.

2 KORINT 11:9

Tüsho küyimki I nüsa lung lakhea tüsho yihnüpü lakhea, inü sheshe hahmülang müjih, tümüde I yihnüpübo Macedonia chingnü arükhi I keoniorübonü jih. Junangde ahokhi ching nangde tümü ching she inü nüsa hahmülang müjih.

2 KORINT 2:13

tüsho I me ching sühakhim mülade alakheah, tümütüsho inü ju ching isa keoniorü Tita müngü. Jumonü inü arü kheaknü chamachihbah Macedonia lim yü.

2 KORINT 7:5

Tümütüsho küyimki isa Macedonia ching arükhea, isa pang sühakhim müla, lüpdükhi lim küpkhuk lakheah. Wungdo rukachih, alunglim atrebe lakheah.

2 KORINT 9:12

tümüde ha tankih rhimokhinü akinrü yihnüpü lakhi lang müjih tüshe Thrünpuh kilim makshe jihpü hihde kamshihchoh.

2 KORINT 9:2

tümüde nüsanü ahobe kamnü ründe Akaia ching thsakhama lakhi mükheahbah thade, nüsa dünkheak inü Macedonia mihtsürübo ki kükheangchoh; tüsho nüsanü akünsahkhinü arü ahihdo thurumusudo.

2 KORINT 9:4

jude yungsho Macedoniarü khürü I lung arübah nüsa müthsakhamde ngüsho, khide mulong tode labah nüsa dünkheak thapü tümü mülade isa achih ngübah.

FILIPI 4:15

Thiyusheak atsü atankih ching, I Macedonia chingnü akhinchoki, nüsa kheak hode ajihpü tüsho aleangkhipü ching borü shenü she I lung matrurungde nüsa Filipirünü mükheahlah;

1 TESALONIKA 1:7

junangde Macedonia tüsho Akaia ching akinrü alala ki nüsa amütsan khülang kam.

1 TESALONIKA 1:8

Tümütüsho Macedonia le Akaia ching nüsa kheaknü Atungpuh yu lang akhiukkhi yung, tüshe isanü athapü tümü yihnüpü mülapü thsüde Thrünpuh kheak nüsa akin lüpdükhi ching yü.

1 TESALONIKA 4:10

Tüsho atsütsü nüsanü Macedonia ching keoniorü alala muzhochoh, tüshe keoniorübo, nüsanü alü thsüde arhimopü tuthsukchoh.

1 TIMOTHI 1:3

I Macedonia lim yüde alachoki nü ki tuthsukkhi nangde inü nü Efisia ching lashihnelah. Ju ching mihtsürü khürünü arükchih kingaünyakzan thsangyuchoh tüsho nünü arü tukloshihpü thiyukhüm jihbeah,

PHILEMON 1:5

tümütüsho Atungpuh Jisu tüsho akinrü alala kilim nü amuzho tüsho akin lakhi inü sochoh,