ROMRÜ KILIM PAULNÜ ATHRÜTKHI KIHÜM HUHTANYU 15:19 - AMÜSÜH HÜM CL Bible (BSI)

¹⁹ Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

ROMRÜ KILIM PAULNÜ ATHRÜTKHI KIHÜM HUHTANYU 15:19 Iomraidhean Croise

MATHI 12:28

Tüshe Thrünpuh me hode inü amünean me yankhita lasho, Thrünpuh kiulongthsü nüsa kheak arüdo.

JOHAN 4:48

Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 13:14

tüshe arünü Perga chingnü tsahmusubah Pisidia ching lakhi Antiok ching arü. Tüsho arünü Amuni sinagog ching yüzahbah bin.

YUNIRÜBO RHIMO 13:51

Tüshe anenü arü azhihde ane jing kheak yo asungthulung adankhia bah, tüsho Ikonium ching yü.

YUNIRÜBO RHIMO 14:10

düsheak achangnü tha, “Nü jingnü langakindo zhipang!” Tüsho apinü züngmusubah tsah.

YUNIRÜBO RHIMO 14:20

Tüshe küyimki akinrübo api mükamde amukhungkhea, apinü asürübah kiuto ching yüzah; tüsho ashidopü apinü Barnaba lungnü Derbe lim yü.

YUNIRÜBO RHIMO 14:25

Tüsho arünü Perga ching thiyu thabah Attalia ching yüki;

YUNIRÜBO RHIMO 14:6

anenü ju mükheahbah Lykaonia kiutobo Lystra le Derbe, tüsho mühi lomi ching tsoabah;

YUNIRÜBO RHIMO 15:12

Tüsho amukhungrü alalanü zhikde la, tüsho Thrünpuhnü ane hode khiungkerü ki amüyinsahbe le khinthiyinbebo rhimokhi thiyusheak jihchoki arünü Barnaba tüsho Paul ki ani.

YUNIRÜBO RHIMO 16:18

Tüsho alibenü hade nimung ashang thsü. Tüshe Paulnü mulong zhipzhipde kambah me ki tha, “Alibe kheaknü akhiukpü Jisu Khrista mung chingnü inü nü ki thiyukhüm jihchoh.” Tüsho ju kim chingnü akhiukabah.

YUNIRÜBO RHIMO 17:10

Keoniorübonü niokheamde Paul le Sila büne azhing chingnü Berea lim thiyia tsoshih; tüsho küyimki ane akhiungkheanü Jihudarü sinagog ching yüzah.

YUNIRÜBO RHIMO 17:15

Bea-dükherünü Paul ju Athen khiungde bedarü; tüsho Sila le Timothi büne nahde api lung arang dükhi Paul kilimnü thiyusheak lubah chamachih.

YUNIRÜBO RHIMO 18:1

Ha dunglim apinü Athen chingnü chamachihbah Korint ching yü.

YUNIRÜBO RHIMO 18:19

Arüsam Efisia ching arü, tüsho apinü ane ju ching zojih; tüshe api a sinagog ching yüzahbah Jihudarübo ki atsangachih.

YUNIRÜBO RHIMO 19:1

Küyimki Apollo Korint ching lakhea, Paulnü akulim lomi hode Efisia ching arü. Ju ching apinü jingyanrü khürü ngü.

YUNIRÜBO RHIMO 20:20

nüsa alü thsüpü lakhi thsangyuthsangrapü tümü she inü mudukiuhlo tüshe boto chingnü tüsho thüyam abande nüsa thsangyude,

YUNIRÜBO RHIMO 20:6

tüshe phaüm muyukkhi thünio dunglim isanü Filipi chingnü yü tüsho nimung phüngü dunglim arü kilim Troa ching arübah ju ching nimung thüne mung.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:16

khiungkerü kilim Thrünpuh thiyusheak-atsü amükeamrü thsüde tankihpü ching Jisu Khrista tankihrü thsükhinü, junangde khiungkerü kingaünkhi ju Amüsüh Menü atsangkhitkhi, aleangkhikhukbe labah.

ROMRÜ KILIM PAULNÜ ATHRÜTKHI KIHÜM HUHTANYU 15:24

I Spain lim yüchoki inü nüsa shorupü lümlah. Tsahhode alachoki inü nüsa shorupü mulonglam lah tüsho I nüsa lung anükhüh kheak bin dunglim I hantsah ching nüsa arung ngübah.

1 KORINT 2:4

tüsho I yu thakhi le I yusheak ju thiyu-ake tüsho lümlung yu chingnü yung, tüshe Me tüsho wu huhpü lakheah,

2 KORINT 12:12

I amüsüh-thsangyurü ah de amütsankhi nüsa bolung khinthiyinbe tüsho amüyinsahbebo ahihdo khide arümkheamde rhimodo.

GALATIA 3:5

Nüsanü yakzan anide arhimokhi hode Thrünpuhnü nüsa kilim api Me jihbah nüsa bolung khinthiyinbe rhimokhea shi, dashi nüsanü asokhi kinmonü a?

KOLOSI 1:25

Tüsho nüsa tsüpü thsungkheak ha rhimo I kilim jihbuh Thrünpuhnü I borü tankihrü kamshih. Ha suhdahde api yusheak zhiyukpü rhimo,

1 TESALONIKA 1:5

isa thiyusheak-atsü ju nüsa kilim thiyu chingnü lang yung, tüshe wu tüsho Amüsüh Me ching, akin mütsande arü. Nüsa thsülimnü isanü nüsa bolung küdürü mihtsürü amütsan thsüde alakheanü nüsanü mükheahlah.

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.