ROMRÜ KILIM PAULNÜ ATHRÜTKHI KIHÜM HUHTANYU 15:14 - AMÜSÜH HÜM CL Bible (BSI)

¹⁴ I keoniorübo, nüsa atsünü mide, mükheahmudu alalanü mide, tüsho khülangnü khülang thsangdanachihpü kukkhi hode nüsa dünkheak I reangkeamlah.

ROMRÜ KILIM PAULNÜ ATHRÜTKHI KIHÜM HUHTANYU 15:14 Iomraidhean Croise

1 KORINT 1:5

Tümüde Khrista lung arihkhi ching, thiyutha tüsho mükheahmudu bede lüpdükhi ching nüsa alarü kamdo.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

1 KORINT 8:1

Kheakü sangthsübo ki kingaünkhi tsühyungbe dünkheak isa alala mükheahmudu lah de inü mükheahlah. Mükheahmudunü lülüshishi kamshihchoh, tüshe amuzhonü thsükihchoh.

1 KORINT 8:10

Tümütüsho reangmüzahkhi khürünü, nü mükheahmudu mihtsürü sangthsü arüngyam ching tsühde ngüsho, sangthsübo ki kingaünkhi tsühyungbe tsühpü api mulong mütoshihba de?

1 KORINT 8:7

Judüalalashe, alala ha mükheahmudu müla. Mihtsürü khürü a kheakü khiungde sangthsübo ahorichoh, junangde küyimki arünü hadürü tsühyungbe tsühbanü sangthsü ki kingaünkhi ah de arünü lümchoh, tüsho arü lümkhi müdüküngkhinü arü müneana lah de lümchoh.

2 KORINT 8:7

Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 TESALONIKA 5:11

Jumonü nüsanü rhimode alakhi nangde khülangnü khülang tuthsukachihang tüsho shuhkihachihang.

1 TESALONIKA 5:14

Keoniorübo, yomuhyothsünrü athsunganahpü, mulong ninirü yanmusupü, reangmüzahrü rungpü, arü alala kheak arümkheampü isanü nüsa ki tuthsukchoh.

2 TESALONIKA 1:11

Hamonü isa Thrünpuhnü nüsa apinü ajikhi thülünde akamshihpü, tüsho api wu hode akinnü apungkhikhi rhimo atsü aban akuk ngübah,

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

PHILEMON 1:21

Nü mihyuanikhi mulongram lade, inü athakhi kheaknü she nünü alü rhimobah de mükheahbah inü nü kilim thrütchoh.

IBRI 5:12

Kheakü hadükia nüsa ju thsangyurü thsübe laa lalashe, kheaküshe Thrünpuh yu thiyuro adungtobe nüsa ki thsangyupü thsüde khürü yihnüpü lah. Tsühyungbe amüküp yungde niuhke nüsa yihnüpü lah;

IBRI 6:9

Amuzho müyamrübo, isanü hanangde thaa lalashe, nüsa akhümkhit müngühmühi atsübe lakhi nüsa dünkheak mulongram lah.

2 PETER 1:12

Jumonü nüsanü mükheahbah kheakü thiyuro ching düküngde laa lalashe inü kamruhroro harü nüsa ki lümkhitshihpü lümde lachoh.

1 JOHAN 2:21

Nüsanü thiyuro mümükheahkhinü yung, tüshe nüsanü ju mükheahkhinü tüsho akeangyu ju thiyuro yo yung de amükheahmonü inü nüsa kilim thrütchoh.