ROMRÜ KILIM PAULNÜ ATHRÜTKHI KIHÜM HUHTANYU 14:6 - AMÜSÜH HÜM CL Bible (BSI)

⁶ Shepünü nimung leangkhichonü, Atungpuh wüntrekhi chingnü leangkhichoh. Shepünü tsühchonü Atungpuh wüntrekhi chingnü tsühchoh, tümütüsho apinü Thrünpuh kilim makshe jihchoh; shepünü mütsühnü Atungpuh wüntrekhi chingnü mütsühchoh tüsho Thrünpuh kilim makshe jihchoh.

ROMRÜ KILIM PAULNÜ ATHRÜTKHI KIHÜM HUHTANYU 14:6 Iomraidhean Croise

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 12:42

Ha tsüngre ju arü Ijip lomi chingnü bede akhiukkhi thsungkheak arüngako lakheah. Ha Atungpuh tsüngre ju Israelrü alalanü arü lün amuyung arüngakopü lakheah.

ABEKHIT 16:25

Judüki Mosanü tha, “ Ju khihni tsühang, tümüde khihni ha Atungpuh kilim amuni ah; khihni ju nüsanü alo ching müngü.

ISAIA 58:5

Inü mokhitkhi khümkeak ha, nihbuh azhihayihpü nimung yung de? Sangrung nangde aku koyupü, tüsho shungliukhim le awah ching yapbea de? Nünü ha Atungpuhnü leangkhikhukbe nimung, khümkeak ah de ajiba de?

ZEKARIA 14:21

tüsho Jirusalem le Juda ching dükihthüra phüh aban Wuto Atungpuh kilim amüsüh labah, junangde laksah-a kingaünrü alalanü arübah kingaünpü lubah. Tüsho ju nimung kheaküa Wuto Atungpuh yam ching yinzüyindorü mülade akambah.

MATHI 14:19

Judüki apinü yimto ato ju rimkiu kheak binpü thiyukhüm jih. Apinü yikhap 5 tüsho thüngüh 2 ju lu, tüsho yinmi lim kheahde makshe jih, tüsho yihnakbah jingyanrübo kilim jih; tüsho jingyanrübonü mihtsürübo kilim ahiuh.

MATHI 15:36

Jushu apinü yikhap 7 tüsho thüngühbo ju lubah makshe jih tüsho yihnakbah api jingyanrübo kilim jih; tüsho jingyanrübonü mihtsürübo kilim ahiuh.

JOHAN 6:28

Judüki arünü api ki tha, “Isanü Thrünpuh rhimobo thsüpü thsüde tümü rhimoba?”

GALATIA 4:10

Nüsanü nimungbo, khinubo, akheahmünchibo, tüsho kambo arüngchoh!