ROMRÜ KILIM PAULNÜ ATHRÜTKHI KIHÜM HUHTANYU 13:4 - AMÜSÜH HÜM CL Bible (BSI)

⁴ tümüde api ju nü tsüpü thsungkheak Thrünpuh yamlarü ah. Tüshe nünü amülim rhimosho, trede laang, tümüde apinü nukshang ju akeangkeang ching mühanchoh; api ju amülim rhimorü kheak bukakhiuk rhimopü Thrünpuh yamlarü ah.

ROMRÜ KILIM PAULNÜ ATHRÜTKHI KIHÜM HUHTANYU 13:4 Iomraidhean Croise

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

2 KIUTHSÜYUKHEAN 19:6

tüsho mahkhaprübo ki tha, “Nüsanü tümü rhimochonü lümakheahang, tümüde nüsanü mihtsürübo thsung thsüde mahmükhap tüshe Atungpuh thsung thsüde ah; mahkhap jihkhi ching api nüsa lung lah.

MÜCHITMUDU 16:14

Kiulongthsüpuh bukakhiukkhi ju ashekhi yunithsürü ah, tüshe lümlung larü mihtsürünü ju keamloshihchoh.

MÜCHITMUDU 20:2

Kiulongthsüpuh bukmükekhi ju kekhüzü arungkhi lah; shepünü küdah thsüde bukakhiukchonü nihbuh rhangdung azhihde neak yihbeakchoh.

MÜCHITMUDU 20:26

Lümlung lakhi kiulongthsürünü mihbukmuyuk yünkhita bahchoh, tüsho arü kheak thsam phülütchoh.

MÜCHITMUDU 20:8

Küyimki kiulongthsürü khülang nihbuh kiulongthsü-binkiu kheak mahkhappü binbanü api mükbonü amütsü alala yünkhita bahchoh.

ISAIA 1:17

atsü rhimopü anikhitang; thiyuro yimang, junoa larü bekhitang, mürerü tsungloang, khimoberü thsungkheak mushujang.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

EZEKIEL 22:27

Ju ching lakhi atorübo ju shiwüh thonakbe, thiyih bukpü, thiyuro mülakhi alü ngüpü rhangdungbo thsümünimkhi rimrebo nangde lah.

EZEKIEL 25:14

I mihtsürü Israel khah hode inü Edom kheak royimkhi labah; tüsho I bukakhiukkhi tüsho I mulong zhipzhip yande arünü Edom ching rhimobah; tüsho arünü I royimkhi ngübah, Atungpuh Thrünpuhnü thachoh.

MIKA 3:9

Ha aniang, nüsa Jakob yamkhün limberübo tüsho Israel yamkhün yakzanshuhrübo, sherünü thiyuro thraneancho tüsho alim alala bephülapcho,

ROMRÜ KILIM PAULNÜ ATHRÜTKHI KIHÜM HUHTANYU 12:19

I müyamrübo, küyimkishe nüsanü rodüyim, tüshe Thrünpuh bukakhiukkhi aleangang; tümüde ha thrüta lah, “Royimpü ju I yo, inü ajihlobah, Atungpuhnü thachoh.”

ROMRÜ KILIM PAULNÜ ATHRÜTKHI KIHÜM HUHTANYU 13:6

Hamonü nüsanü rukbo jihchoh, tümüde thiyukhüm-sühmüh larü ju ha rhimode Thrünpuh tankihrübo ah.

1 TESALONIKA 4:6

junangde mihtsürü shenü she hadürü ching nihbuh keoniorü ki müthsümünim, tüsho amülim müthsü, tümütüsho isanü nüsa ki amüngühnü düh de athakhi nangde harü alala ching Atungpuh ju royimrü lah.

JIHUSUA 20:5

Mürangkhüh royimrünü adunglim müshamde arüsho mihtsürübonü api ju arü khah ching müjih. Arübonü api khümkhitbeah tümütüsho püpüki ane dükeak mükthsü mülade müranglimnü mihtsürü ju alaksahkheah.

JIHUSUA 20:9

Harü kiutobo ha Israelrü tüsho arü lung larü khiungkerü khürü thsungkheaknü tsoyukpung mokhitkheah. Khürünü mihtsürü müranglimnü laksahsho royimrü kheaknü yübah ju ching jikpü kuklah; tüsho boto miki mah mükhapchokia royimrünü api mülaksahkhuk.

1 PETER 2:14

yungsho amülim rhimorü thsümüchipü tüsho alim rhimorü shijihpü apinü thiyikhi kovünorbo.