ROMRÜ KILIM PAULNÜ ATHRÜTKHI KIHÜM HUHTANYU 13:2 - AMÜSÜH HÜM CL Bible (BSI)

² Jumonü shepünü thiyukhüm-sühmühbo azhihchonü Thrünpuhnü amokhitkhi azhihchoh, tüsho shepünü azhihchonü nihbuh kheak mahkhap hande arübah.

ROMRÜ KILIM PAULNÜ ATHRÜTKHI KIHÜM HUHTANYU 13:2 Iomraidhean Croise

ABEKHIT 16:8

Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MARK 12:40

shepünü khimoberü yambo thsümünimcho, tüsho rük thsüde ashangshang tamkhüntamnücho. Arü abahyukkhi ato leangkhibah.”

LUKNÜ ATHRÜTKHI THIYUSHEAK-ATSÜ HUHTANYU 20:47

shepünü khimoberü yam muyucho, tüsho rük thsüde ashangshang tamkhüntamnücho. Harübo abahyukkhi atobe leangkhibah.”

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

ROMRÜ KILIM PAULNÜ ATHRÜTKHI KIHÜM HUHTANYU 13:3

Tümüde yakzanshuhrübo ju atsü rhimorü ki mihtrebe yung tüshe amütsürü ki ah. Shepü thiyukhümsühmüh lanü nünü api ki mütrebea de? Junangde nünü tümü atsüanü rhimoang, tüsho apinü nü shijihbah,

ROMRÜ KILIM PAULNÜ ATHRÜTKHI KIHÜM HUHTANYU 13:5

Jumonü nüsanü Thrünpuh bukakhiukpü thsungkheak lang yung tüshe lümzülümdo thsungkheak she thiyukhüm-sühmüh khüp laang.

ROMRÜ KILIM PAULNÜ ATHRÜTKHI KIHÜM HUHTANYU 9:19

Tüshe nüsanü I ki thabah, “Tümüde apinü arükchih yimkhitcho? Shepünü api lümkhi reanglokhukla?”

TITA 3:1

Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü,

JAKOB 3:1

I keoniorübo, nüsa ahihkhüh thsangyurü dükam, tümüde isa sherünü thsangyuchonü atobenü müküpde thiyukhapbah de nüsanü mükheahlah.

1 PETER 2:13

Atungpuh thsülimnü nüsanü mihtsürü thiyukhüm-sühmüh aban bukkhüp laang: thiyukhüm-sühmüh atobe kiulongthsürü,