ROMRÜ KILIM PAULNÜ ATHRÜTKHI KIHÜM HUHTANYU 13:12 - AMÜSÜH HÜM CL Bible (BSI)

¹² azhing tsodo, animung thünina lah. Jumonü isanü azhing rhimobo tukloanü tüsho ayin zülu yihanü;

ROMRÜ KILIM PAULNÜ ATHRÜTKHI KIHÜM HUHTANYU 13:12 Iomraidhean Croise

KHÜNBOLUNGKHÜN 2:17

yapsu apung yünkhi tüsho amiting tsokhi khiungde, I tsübuh, awung-düpheak kheak rimsung yungsho tuzhuk nangde rholoang.

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ROMRÜ KILIM PAULNÜ ATHRÜTKHI KIHÜM HUHTANYU 13:14

Tüshe Atungpuh Jisu Khrista zülu yihang, tüsho akünkhi reangkeamshihpü shih-yakli lim mulong düjih.

1 KORINT 10:11

Kheakü arübo ki harü atünadopü dünji, tüshe akheam lün arüa larü isabo thsungkheak thsangdanpü harü thrüt.

1 KORINT 7:29

Keoniorübo, ju amütsan akhukhi kim khide khihabahdo; kheakünü rünbah sherü niuberü lanü arünü mülakhi nangde,

2 KORINT 10:4

Isa thirithsü thsühnukbo ju alomi yo yung tüshe chipibo thsümünimbe Thrünpuh wu lah.

2 KORINT 6:7

thiyuro thakhi, tüsho Thrünpuh wu; khah tsülim tüsho huzulim ching thiyurolungki thsühnuk lade;

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

EFISIA 5:11

Amiting rhimobo ching shihcham dülu, tüshe jurü yinde kamshang.

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

JAKOB 1:21

Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.

JAKOB 5:8

Nüsa she arümkheamang, mulong ayihyih thsang, tümüde Atungpuh arüpü thüninde lah.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

2 PETER 3:11

Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde,

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.

1 JOHAN 2:18

Azürübo, ha akheam kim ah; Khrista azhihrü arüchoh de nüsanü asokhi nangde kheakü Khrista azhihrü ahihkhüh arüdo; jumonü ha akheam kim ah de isanü mükheahlah.

AMIKHEAKAKHIUKKHI 1:3

Shepünü müchitkhi yubo achangnü khechonü asühpü, tüsho sherünü anicho, tüsho sherünü ju ching thrütkhi mihyuanichonü asühpü; tümüde kim thüninde lah.

AMIKHEAKAKHIUKKHI 22:10

Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah.