ROMRÜ KILIM PAULNÜ ATHRÜTKHI KIHÜM HUHTANYU 12:9 - AMÜSÜH HÜM CL Bible (BSI)

⁹ Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 12:9 Iomraidhean Croise

MUNGSHIKHÜN 101:3

Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

MUNGSHIKHÜN 119:104

Nü yukhümbo hode inü anikhitkhi ngüchoh; jumonü inü arükchih limro alala thraneanlah.

MUNGSHIKHÜN 119:163

Inü akeangyu thraneanlah, tüshe inü nü yakzan muzholah.

MUNGSHIKHÜN 34:14

Amütsü chingnü chamkhiang tüsho atsü rhimoang; mungtsü yimang, tüsho ju müshamang.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

MÜCHITMUDU 26:25

küyimki apinü muzhode asukbanü, api kheak akin düla, tümüde api mulong ching athraneanbe thüne lah;

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

MATHI 26:49

Judüki apinü niokheamde Jisu kilim yü tüsho tha, “Salüm, Thsangyurü!” tüsho api müthsüp.

JOHAN 12:6

Ha apinü zhochihrü lümrhihmonü athakhi yung, tüshe api ju ahührü tüsho sho qiuqiu lamonü ah; tüsho ju ching yukkhi apinü lude la.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

2 KORINT 8:8

Ha inü thiyukhümnü mütha, tüshe püpürü künsahkhi akede nüsa adüngakhi rükakheahchoh.

1 TESALONIKA 2:3

Tümüde isanü amushukhi ju alakmihkhi yungsho mümüsühkhi, yungsho rük thsüde yung;

1 TESALONIKA 5:15

Nüsa shenü she amütsü müthri amütsü müjihlopü mütsanang, tüshe kamruhroro khülangnü khülang tüsho alala ki atsü rhimopü yimang.

1 TESALONIKA 5:21

tüshe lüpdükhi rükakheahang; tümü atsüanü düngde ramrihang,

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.