ROMRÜ KILIM PAULNÜ ATHRÜTKHI KIHÜM HUHTANYU 12:7 - AMÜSÜH HÜM CL Bible (BSI)

⁷ tankihpü a sho, isanü tankihpü ching; shepünü thsangyuchonü api thsangyupü ching;

ROMRÜ KILIM PAULNÜ ATHRÜTKHI KIHÜM HUHTANYU 12:7 Iomraidhean Croise

MUNGSHIKHÜN 34:11

Arang, I tsührübo, I ki aniang, inü nüsa ki Atungpuh wüntrepü thsangyubah.

MUNGSHIKHÜN 51:13

Judüki inü athsümünimrü ki nü limrobo thsangyubah. Tüsho aneakrübo nü kilim rholobah.

T H S AN GYU T H S AN GR ARÜ 12:9

Lümlung kheak khiode, Thsangyuthsangrarünü mihtsürü ki mükheahmudu, lümakheahkhi tüsho ayimkhitkhi tüsho müchityu ahihdo tsanglungkhi she thsangyu.

ISAIA 21:8

Judüki aheangrünü zhi: “Aheangpung kheak I zhiplah, O Atungpuh nimung aban mutukzhakde, tüsho I aheangpung ching I tsüngreroro lah.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

YUNIRÜBO RHIMO 20:20

nüsa alü thsüpü lakhi thsangyuthsangrapü tümü she inü mudukiuhlo tüshe boto chingnü tüsho thüyam abande nüsa thsangyude,

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 6:1

Judüki nimungbo ching akinrübo hihde kamchoki, Greek-yu-tharü Jihudarü le Jihudarü mihkhung dükeak rukachih lakheah, tümütüsho arü khimoberübo nimung aban chamzüchamdo ching bahyukde alakheah.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

1 KORINT 12:5

tüsho tankihpü aphuaphu lah, tüshe Atungpuh rukhüh;

1 KORINT 14:26

Keoniorübo, dale tüsho tümü a? Küyimki nüsa rukhüh mukhungbanü, mihbüm aban khün, thsangdan yu, amikheak akhiukkhi, thiyutha yungsho athanakkhi lah. Harü alala borü düküngpü thsungkheak rhimobeah.

GALATIA 6:6

Shepü ki thiyu thsangyukhea, api kukruk atsü alala thsangyurü ki chamachihang.

EFISIA 4:11

Tüsho api thsambahbo ju khürü amüsühthsangyurü, khürü wukihrü, khürü thsangyuthsangrarü, khürü namfimihnu neakrü tüsho thsangyurü,

YUZÜNGTHALO 33:10

Arünü Jakob ki nü yuzüngbo tüsho Israel ki nü yakzan thsangyubah; arünü nü miki arhümthüneabe yukbah, tüsho nü kingaün sadam kheak taka kingaünbah.

KOLOSI 4:17

Tüsho Arkeppa ki thaang, “Atungpuh tankihpü ching nü kilim jihkhi rhimo akuk ngüpü thsang.”

1 TIMOTHI 2:7

Ha thsungkheaknü I thsangyuthsangrarü tüsho amüsüh-thsangyurü, akin tüsho thiyuro ching khiungkerü thsangyurü khülang kamshih. Inü akeangyu yungde, thiyuro thachoh.

1 TIMOTHI 3:2

Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

1 TIMOTHI 5:17

Azothsürü sherünü tsüde yakzan shuhcho, adungto thsüde thsangyuthsangra tüsho thsangyupü ching khisahrü alü wüntrepü thülünkhi thsüshang;

2 TIMOTHI 2:2

tüsho thiyumütsan ahihdo mikinü nünü I kheaknü tümü sodünü püpürü ki thsangyukhukpü thiyuro lakhi mihtsürübo ki thiyiang.

2 TIMOTHI 2:24

Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam,

2 TIMOTHI 4:2

Thiyu thsangyuthsangraang, akheahmünchi yungsho püpü kim ching niokheamang, münityukang, thürühang, tuthsukang, arümkheamang tüsho thsangyuang.

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.