ROMRÜ KILIM PAULNÜ ATHRÜTKHI KIHÜM HUHTANYU 12:13 - AMÜSÜH HÜM CL Bible (BSI)

¹³ Amüsührü yihnüpü lakhi arung jihang, hanrü akamang.

ROMRÜ KILIM PAULNÜ ATHRÜTKHI KIHÜM HUHTANYU 12:13 Iomraidhean Croise

2 SAMUEL 17:29

mukhuke, niuhke zhihzhih, namfimihnu, tüsho mihnubo chingnü niuhke kingkung David tüsho api lung mihtsürübo khilim lubah arü; tümüde arünü tha, “Bonungrübo sunglo ching khümkethüride keaka lah.”

2 KIULONG THSÜRÜ 4:10

Isanü ayi-lüpkhi kheak rhü yukde khiungshak anikhüh thsanü, tüsho api thsungkheak ju ching yapkiu khülang, dükhüm khülang, jingchang binkiu khülang, tüsho tsünpung khülang de zoanü, junangde api küyimki isa kilim arübanü ju ching mühümbah.”

MUNGSHIKHÜN 41:1

Shepünü zhochihrü lümrhihde lachonü asühpü; Atungpuhnü küpkhuk kim ching api rungbah.

MÜCHITMUDU 31:20

Alibenü zhochihrü tüsho müthsümülarü ki salade lah.

MATHI 25:35

tümüde I khümde alakheah tüsho nüsanü I kilim jim kip; I kethüride alakheah tüsho nüsanü I kilim ayungbe duh; I hanrü lakheah tüsho nüsanü I beyuk;

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

YUNIRÜBO RHIMO 4:35

tüsho amüsüh-thsangyurübo kilim jih; tüsho sho ju mihbüm aban nihbuh yihnüpü ayannü chama jih.

ROMRÜ KILIM PAULNÜ ATHRÜTKHI KIHÜM HUHTANYU 12:8

shepünü tuthsukchonü, apinü atuthsukkhi ching; shepünü rungzürungdochonü, salakhi ching; shepünü limbechonü, jinjihde; shepünü mihmüthsüm huhchonü, asühsahdo rhimoang.

1 KORINT 16:15

Keoniorübo, Akaia ching Stephana yamkhün akhuh mulong müthri, tüsho akinrü tankihpü ching arünü shuhmülanga jihdo de nüsanü mükheahlah;

2 KORINT 9:1

Kheakü akinrübo rungpü kingaün dünkheak inü nüsa kilim thrütpü yihnüpü müla,

2 KORINT 9:12

tümüde ha tankih rhimokhinü akinrü yihnüpü lakhi lang müjih tüshe Thrünpuh kilim makshe jihpü hihde kamshihchoh.

GALATIA 6:10

Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.

1 TIMOTHI 3:2

Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

TITA 1:8

tüshe hanrü-mürührü, atsü muzhorü, nihbuh banthsangkhi, alungki, amüsüh, tüsho nihbuh danyukrü labeah;

TITA 3:14

Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

PHILEMON 1:7

Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.

IBRI 13:16

Atsü rhimopü tüsho nü lakhi chamachihpü amümürang düthsü, tümüde hadürü shuhmülanga jihkhinü Thrünpuh asühshihchoh.

IBRI 13:2

Hanrü beyukpü dümih, tümüde jude athsükhinü khürünü mümükheahde yunirübo beyukrhaka lachoh.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

1 PETER 4:9

Müsüngde khülangnü khülang beyukachihang.

1 JOHAN 3:17

Tüshe shepü alomi kukrukbo labah api keoniorü yihnüpü lakhi ngücho, tütüshe api azhihde api mulong rihdosho, küde thsah Thrünpuh amuzho api kheak lapü?

3 JOHAN 1:5

Amuzho müyambuh, nünü keoniorü Khristanrübo, adungto thsüde hanrübo ki rhimokhi khide thiyuro lah.