ROMRÜ KILIM PAULNÜ ATHRÜTKHI KIHÜM HUHTANYU 12:12 - AMÜSÜH HÜM CL Bible (BSI)

¹² Nüsa mulonglam ching asühachihang, thsümütsü ching arümang, mutukzhakde tamkhüntamnüang.

ROMRÜ KILIM PAULNÜ ATHRÜTKHI KIHÜM HUHTANYU 12:12 Iomraidhean Croise

MUNGSHIKHÜN 109:4

Inü amuzhokhi müthri arübo ju I müdamrü ah, tüshe I a tamkhüntamnüde lah.

MUNGSHIKHÜN 37:7

Atungpuh miki zhikde laang tüsho arümkheamde api aleangang; mihtsürübonü arü mihbukmuyuk lümkhi asahde arü limrobo ching akuk ngüchoki mulong düsansan.

MUNGSHIKHÜN 40:1

Inü arümde Atungpuh aleang; apinü I kilim anguh, tüsho inü azhikhi sojih;

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MÜCHITMUDU 10:28

Thiyuro-lungkirü mulonglam ju asühkhi labah, tüshe mihbukmuyuk mükkin thsükhi adükheakbah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MATHI 5:12

Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

YUNIRÜBO RHIMO 1:14

Arü alala rukhühnü aliberübo le Jisu abe Mari tüsho api keoniorübo lung tamkhüntamnüpü mutukzhakde mukhungde la.

YUNIRÜBO RHIMO 12:5

Junangde Peter ju rihyam ching zo; tüshe borünü api thsungkheak Thrünpuh ki tamkhüntamnüjih.

YUNIRÜBO RHIMO 2:42

Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUNIRÜBO RHIMO 6:4

tüshe isanü tamkhüntamnü tüsho thsangyuthsangrapü khungde arhimobah.”

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:25

Tüshe amüngükhi thsungkheak isanü mulonglamsho ju thsungkheak isanü arümde aleangchoh.

1 KORINT 13:13

Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

2 KORINT 12:8

Ha I kheaknü lude atsopü inü Atungpuh ki mahsam ki mushu.

FILIPI 3:1

Akheam ching, I keoniorübo, Atungpuh lung asühang. Nüsa kilim ju rukhüh thrütlopü I küpkhuk müla, tüsho ha nüsa kümrü lah.

FILIPI 4:4

Atungpuh lung kamruhroro asühang; inü thalochoh, asühang.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

KOLOSI 4:2

Makshe jihkhi ching kurhangde, müdüchingde tamkhüntamnüpü ching düküngang;

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

2 TESALONIKA 1:4

Jumonü nüsanü arümde alakhi thsümüchibo tüsho küpkhukbo alala ching nüsa akin düküngkhi thsungkheak isanü Thrünpuh borübo ching nüsa dünkheaknü kükheangchoh.

2 TESALONIKA 3:5

Thrünpuh amuzho tüsho Khrista kheak düküngpü Atungpuhnü nüsa mulongbo khuhlanga huhshang.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

2 TIMOTHI 3:10

Kheakü nünü I thsangyukhi, rhimo, I rhangdung mükkheahkih, akin, arümkheam, amuzho, arorikhi,

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

TITA 3:7

junangde api amüthsüm hode isa alim kamshihpü tüsho lün rhangdung mulonglam ching yamrüplurüp lurü kampü lakheah.

IBRI 10:32

Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang.

IBRI 10:36

Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

IBRI 6:12

junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.

IBRI 6:15

Hanangde arümde aleang dunglim alokhikhi ju Abrahamnü leangkhi.

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.

1 PETER 4:13

Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah,

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

2 PETER 1:6

tüsho mükheahmudu ching zangrü-danyukkhi, zangrü-danyukkhi ching arümkheamkhi, arümkheamkhi ching akinkhi,

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.