ROMRÜ KILIM PAULNÜ ATHRÜTKHI KIHÜM HUHTANYU 12:11 - AMÜSÜH HÜM CL Bible (BSI)

¹¹ Küyimkishe mükünmuthsung düthsü, Me ching düküngde Atungpuh tankihang.

ROMRÜ KILIM PAULNÜ ATHRÜTKHI KIHÜM HUHTANYU 12:11 Iomraidhean Croise

ABEKHIT 5:17

Tüshe apinü tha, “Nüsa yomuhyothsünlah, tüsho mürhimone jumonü nüsanü thachoh, ‘Atungpuh kingaünpü isa yüshang.’

MÜCHITMUDU 10:26

Hü ching asanke tüsho mükbo ching mokhüh nangde, anihbuh thiyibuh ki yomuhyothsünrü ju ruk ah.

MÜCHITMUDU 13:4

Yomuhyothsün mihtsürünü tümükhüh künkün she apinü küyimkishe ju müngü. Mürangde arhimorü a apinü akünkhi lüpdükhi ngübah.

MÜCHITMUDU 18:9

Shepü nihbuh rhimo ching yomuhyothsün lanü tode athsümünimrü lung keoniorü ah.

MÜCHITMUDU 22:29

Mihtsürü khülang api rhimo ching yeanzamkhi nünü ngüchonah? Api kiulongthsürübo miki zhipbah; api a mümükheahkhi mihtsürübo miki müzhip.

MÜCHITMUDU 31:15

Alibenü anihbe yambuk tsühyungbe mozümodopü tüsho ayamlaberünü arhimopü thiyipü müyinkhiyide asürüchoh.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

ISAIA 56:10

Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh.

MATHI 24:12

Tümütüsho mihbukmuyuk alü kamkhinü ahihkhüh amuzho rüngde akambah,

MATHI 25:26

“Tüshe api putungrünü anihbuh ki tha, ‘Nü mihbukmuyuk tüsho yomuhyothsün yamlarü, inü mümükheankhi ching inü yimluchoh tüsho müjih muhiupung ching hanmukhungchoh de nünü mükheahlah.

YUNIRÜBO RHIMO 18:25

Api ju Atungpuh limro ching thsangdana lakheah, tüsho apinü Johannü baptikhi lang mükheah-a lalashe me ching düküngde Jisu dünkheak tha tüsho thsangyu.

YUNIRÜBO RHIMO 20:19

Jihudarünü azhihde rükaki tode lalashe azhihayihde tüsho chike bukde inü Atungpuh tankih;

1 KORINT 7:22

Tümüde shepü azhorü thsüde Atungpuhnü ajikheanü Atungpuh zuzu mihtsürü ah. Junangde ajichoki shepü zuzu lakheanü Khrista yo azhorü ah.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

KOLOSI 4:1

Aputungrübo, nüsa she yinmi ching Aputungrü khülang lah de mükheahbah nüsa yamlarübo ki alungkinü tüsho tsüde mütrüang.

1 TIMOTHI 5:13

Kheaküshe arünü yomuhyothsünpü, yamrümpü, jipjiprarapü tüsho arünü amüthabe thade arahrungpü anikhita luchoh.

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

AMIKHEAKAKHIUKKHI 2:4

Tüshe inü ha nü azhihde alakhi ju, nünü akhuhde amuzho lakhi bahyukdo.