ROMRÜ KILIM PAULNÜ ATHRÜTKHI KIHÜM HUHTANYU 11:33 - AMÜSÜH HÜM CL Bible (BSI)

³³ Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?

ROMRÜ KILIM PAULNÜ ATHRÜTKHI KIHÜM HUHTANYU 11:33 Iomraidhean Croise

ESTER 2:22

Mordekainü mükheahbah Ester ki tha tüsho Esternü Mordekai mung damde kiulongthsüpuh ki she thaakhin.

JOB HU H T ANYU 10:13

Tütüshe hadürü nünü nü mulong ching ram; ha nü lümkhi lakheah de inü mükheahlah.

JOB HU H T ANYU 15:8

Nünü Thrünpuh lümzülümdokhi sodü de? Tüsho lümlung ha nü yo lang a de?

JOB HU H T ANYU 23:14

Tümüde apinü I thsungkheak tümü akhudünü apinü arhimobah; tüsho hadürü ahihdo api lüm ching lah.

JOB HU H T ANYU 26:14

Tüshe harü ha api limrobo aleanglim lang ah; tüsho api dünkheak nükhünyu sokhi anikhüh ah! Tüshe api wu tsüngmuk shepünü anikhitkhukba?

JOB HU H T ANYU 33:13

Tümüde nünü api azhihde, “Apinü I yubo malojih” de thacho?

JOB HU H T ANYU 37:19

Api ki tümü thabeanü isa ki thsangyuang; isa lüm mitingkhi hode athapü tümü müla.

JOB HU H T ANYU 37:23

Wutobuh–isanü api müngükhuk; api a wu ching, mahkhapkhi ching khiukchimkhi thiyuro ching rünkhitlah. Apinü mujuno.

JOB HU H T ANYU 5:9

Apinü ato kukrukbo tüsho müyimkhukbe, mihmüyinsahbe kukrukbo mükhebinbe thsüchoh.

JOB HU H T ANYU 9:10

shepünü manikhitkhukpü thsüde atobo tüsho makekhukbe mihmüyinsahbebo thsü.

MUNGSHIKHÜN 139:6

Hadürü mükheahmudu ju I thsungkheaknü khide amüyinsahbe lah; ha changlah, inü ha manikhitkhuk.

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

MUNGSHIKHÜN 36:6

Nü thiyuro-lungki ju awung ato nangde lah; nü thiyuro ju keto asük nangde lah. Mihtsürü tüsho shiwühbo nünü akünkhi ching lah.

MUNGSHIKHÜN 40:5

Nünü isa thsungkheak ahihdo rhimojih, O Atungpuh isa Thrünpuh; nü nangde sheshe müla! Nünü isa thsungkheak amüyinsahbe lümkhibo ahihdo thsüjih. Inü jurü alala mükhekhuk– jurü khekhi hihdaklah!

MUNGSHIKHÜN 77:19

Nü limro keto ching, nü jing-tsahpung ke atobo ching lakheah, tüsho nü jingdükübo mümükheahde alakheah.

MUNGSHIKHÜN 92:5

O Atungpuh , nü rhimobo küdükhüh ato a! Nü lümkhibo khide süklah.

MUNGSHIKHÜN 97:2

Amobo tüsho amitingnü api mükamdochoh; thiyuro-lungki tüsho thiyuro ju api kiulongthsü-binkiu khimtan ah.

MÜCHITMUDU 25:2

Tümükhüh müyimpü ju Thrünpuh müretahkhi, tüshe tümükhüh yimkhitpü ju kiulongthsürübo müretahkhi lah.

MÜCHITMUDU 25:3

Thüning ju changlah tüsho alomi ju süklah, junangde kiulongthsürübo mulong ju müyimkhitkhuk.

T H S AN GYU T H S AN GR ARÜ 3:11

Apinü lüpdükhi kim thsungkheak ayearade thsüjihdo; kheaküshe apinü ahokhi tüsho arübe mükheahpü arü lümkhi ching yukjih, tütüshe Thrünpuhnü tümü atankih chingnü akheam khiungde arhimokheanü arünü müyimkhitkhuk.

T H S AN GYU T H S AN GR ARÜ 7:24

Küpü limshude la, tüsho sükla, khide süklah; shenü ju yimkhitkhukpü?

T H S AN GYU T H S AN GR ARÜ 8:17

tüsho inü Thrünpuh rhimo alala ngü, junangde alomiküp ching tümü dünjichonü shenü müyimkhitkhuk. Arünü küdükhüh mürangde yimyim she, ju müyimkhit; lümlung larü mihtsürünü amükheahpü mürangrang she, arünü ju müyimkhitkhuk.

ISAIA 28:29

Ha she Wuto Atungpuh kilimnü arüchoh; api ju lümthiyanpü ching amüyinsahbe, tüsho lümlung ching hodaklah.

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

ROMRÜ KILIM PAULNÜ ATHRÜTKHI KIHÜM HUHTANYU 9:23

Tüsho apinü api müretah leangkhipü thsakhamkhi api mihmüthsüm kukruk ju apinü isa kheak dungkihkhi muzhomopungkhi api müretah akhiuka huhpü mulong.

1 KORINT 2:10

Thrünpuhnü Me hode isa ki akhiuka huh. Tümüde Menü lüpdükhi, Thrünpuh lümkhi asükbo she yimchoh.

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

EFISIA 3:10

junangde borü hode yinmi kiulongthsübo ching yakzanshuhrübo tüsho thiyukhümsühmühbo ki Thrünpuh lümlung aphuaphu mükheahshihpü,

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 3:18

wu lade, amüsührü alala lung rukhüh thsüde, Khrista amuzho atolim, ashanglim, achanglim, tüsho asüklim,

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.