ROMRÜ KILIM PAULNÜ ATHRÜTKHI KIHÜM HUHTANYU 11:25 - AMÜSÜH HÜM CL Bible (BSI)

²⁵ I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 11:25 Iomraidhean Croise

MUNGSHIKHÜN 107:43

Sherübo lümlung lanü harübo anibah. Tüsho arünü Atungpuh mihmuzho anikhitbah.

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MÜCHITMUDU 26:12

Khürünü mülalaa nihbuh lümlung lah de alümkhi kheaknü shadakde makharü atsübe ah.

MÜCHITMUDU 26:16

Mütsandakde alorü mihtsürü thüne kheaknü api lümlung labeah de yomuhyothsünrünü lümchoh.

ISAIA 5:21

Nüsa shepü nihbuh küdah lümlung lah tüsho rükri lah de lümchonü are!

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

ROMRÜ KILIM PAULNÜ ATHRÜTKHI KIHÜM HUHTANYU 1:13

I keoniorübo, püpürü khiungkerü bolung nangde nüsa bolung yimlupü thsüde inü nüsa kilim arüpü ahihdo ki lümkhi thsükhi kheakü khiungde zhipdolah de nüsanü mükheahang.

ROMRÜ KILIM PAULNÜ ATHRÜTKHI KIHÜM HUHTANYU 11:12

Kheakü arünü alakmihkhi alomi thsungkheak lakhitbo kamsho tüsho arü mukukzamkhi khiungkerü lakhitbo kamsho, arü alala kheyuksho küdükhüh alü laba!

ROMRÜ KILIM PAULNÜ ATHRÜTKHI KIHÜM HUHTANYU 11:24

Nüsa ju mütüm oliv-dung kheaknü lipkhibah ashih mayeye she akhimkhi olivdung kheak müchinsho, ju sangkhahbo oliv-dung kheak müchinpü küdükhüh athülihbe laba!

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

ROMRÜ KILIM PAULNÜ ATHRÜTKHI KIHÜM HUHTANYU 16:25

Isanü Thrünpuh kilim müretah jihanü! Jisu Khrista dünkheak inü nüsa ki thiyusheak atsü thsangyuthsangrakhi tüsho ahokhi lün ashang rama lakhi thiyuro amikheak akhiukkhi yande apinü nüsa akin ching düküngde azhipshihpü kuklah.

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

1 KORINT 10:1

Keoniorübo, isa jipürübo amo khüp lakheah, tüsho alalanü keto hokheah de nüsanü lümkhitshihnelah,

1 KORINT 12:1

Keoniorübo, kheakü me thsambahbo dünkheak nüsanü mümükheahde mülashihne.

1 KORINT 2:7

Tüshe isanü aramyu tüsho rama lakhi Thrünpuh lümlung, isa müretahpü lünbo müngüh Thrünpuhnü athsakhamkhi isanü tha.

1 KORINT 4:1

Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah.

EFISIA 1:9

Tüsho Khrista ching apinü alümkihkhi atsü yande api aram lümkhi isa ki mükheahshih,

EFISIA 3:9

tüsho lüpdükhi thrünrü Thrünpuh kheak lünbo ching rama lakhi aramyu lümkhi mihtsürü alalanü angüshihpü lakheah;

EFISIA 4:18

arü mulong müküpde arü kheak yakli mümükheahkhi lakhi hode arü lümkhi mitingde, Thrünpuhnü ajihkhi rhangdung chingnü chamkhibah lah;

2 PETER 3:8

Tüshe amuzho müyamrübo, ha thiyuro dümih: Atungpuh lung nimung khülang ju chithürü tüsho chithürü ju nimung khülang nangde lah.

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 10:7

tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,