ROMRÜ KILIM PAULNÜ ATHRÜTKHI KIHÜM HUHTANYU 11:23 - AMÜSÜH HÜM CL Bible (BSI)

²³ Tüsho Jihudarünü arü mükinkhi bahyuksho amüchinkihlobah, tümüde Thrünpuhnü ju rhimopü kuklah.

ROMRÜ KILIM PAULNÜ ATHRÜTKHI KIHÜM HUHTANYU 11:23 Iomraidhean Croise

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

MATHI 23:39

tümüde nünü, ‘Shepü Atungpuh mung ching arüchonü müngühmühi’ de müthayikia nünü I müngülo.”

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

ROMRÜ KILIM PAULNÜ ATHRÜTKHI KIHÜM HUHTANYU 11:24

Nüsa ju mütüm oliv-dung kheaknü lipkhibah ashih mayeye she akhimkhi olivdung kheak müchinsho, ju sangkhahbo oliv-dung kheak müchinpü küdükhüh athülihbe laba!

2 KORINT 3:16

Tüshe küyimki khürünü Atungpuh kilim rholobanü ayihdobe lude tsochoh.

IBRI 3:19

Jumonü mükinkhi hode arünü ayüzahpü mukukkheah de isanü ngüchoh.