ROMRÜ KILIM PAULNÜ ATHRÜTKHI KIHÜM HUHTANYU 11:16 - AMÜSÜH HÜM CL Bible (BSI)

¹⁶ Akhuhbe yikhap khülang Thrünpuh kilim jihsho, anungkhi abümnü api yo ah; tüsho sangdung yingbo Thrünpuh kilim jihsho, akhahbo she api yo ah.

ROMRÜ KILIM PAULNÜ ATHRÜTKHI KIHÜM HUHTANYU 11:16 Iomraidhean Croise

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

MÜCHITMUDU 3:9

Nü lakhitbo tüsho nü rünkihkhi alala akhuh asokhibonü Atungpuh wüntre jihang;

JEREMIA 2:21

Tütüshe amokhitkhi kurungaso nangde inü mokhita zokhi chingnü nü khimkheah. Dale küde thsah nünü thsümünimkhea tüsho mütüm kurungaso kamkhea?

EZEKIEL 44:30

Sangaso bolung akhuh asokhi, tüsho nüsanü amungji aban kingaünkhi alala amükeamrübo yo thsübah; nüsanü akhuhde anungkhi yikhap amükeamrübo kilim jihbah, junangde nüsa yambukbo kheak müngühmühi labah.

LEVI 23:10

Israel mihtsürübo ki thaang: Küyimki nüsanü inü ajihkhi lo ching arüba, tüsho yimlubanü, nüsanü akhuhde yimlukhi hi phung amükeambuh kilim handarünü jihang;

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

1 KORINT 7:14

Tümütüsho amükinrü niubuhrü ju aniube hode müsühkhitchoh, tüsho amükinrü niuberü ju aniubuh hode müsühkhitchoh. Jude yungsho, nüsa tsührübo mümüsühde alabah, tüshe ha hode arü amüsüh ah.

YUZÜNGTHALO 18:4

Nüsanü hi akhuh asokhi yukhu aso, oliv müdangke tüsho namfimihnu nam akhuh rukkhi api kilim jihang.

YUZÜNGTHALO 26:10

Tüsho kheahang, O Atungpuh , kheakü nünü I kilim jihkhi lo chingnü akhuh asokhi sangaso hande arüchoh.’ Muluk ju Atungpuh nü Thrünpuh miki zojang tüsho api miki khukningang.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,