ROMRÜ KILIM PAULNÜ ATHRÜTKHI KIHÜM HUHTANYU 11:14 - AMÜSÜH HÜM CL Bible (BSI)

¹⁴ Junangde inü I mihtsürü Jihudarü mükthsüde akamshihbah, tüsho arü khürü khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 11:14 Iomraidhean Croise

THRÜNTAN 29:14

Judüki Labannü api ki tha, “Nü I shih tüsho thiyih ah.” Tüsho apinü anihbuh lung khinu khülang bin.

2 SAMUEL 19:12

Nüsa I keoniorü, nüsa I shih tüsho I thiyih; dale küde thsah kiulongthsüpuh belodarüpü nüsa ashube thsüba le?’

ROMRÜ KILIM PAULNÜ ATHRÜTKHI KIHÜM HUHTANYU 10:19

Kheaküshe inü keokhi: Israelnü manikhit de? Akhuhde Mosanü thachoh, “Trükshih müthsükhi khülangnü inü nüsa mükthsüde akamshihbah; makha trükshih khülangnü inü nüsa bukakhiukshihbah.”

ROMRÜ KILIM PAULNÜ ATHRÜTKHI KIHÜM HUHTANYU 11:11

Jumonü inü keokhichoh, arü angakpü jingmükhedü de? Jude yung! Tüshe Israel mükthsüshihpü thsüde arünü alakmihkhi hode khiungkerü kilim akhümkhit arü.

ROMRÜ KILIM PAULNÜ ATHRÜTKHI KIHÜM HUHTANYU 9:3

Tümüde I keoniorü, I buhtsührü, I mihtsürü dünkheaknü I muthrumüneana tüsho Khrista kheaknü chamkhia lah de inü lüm.

1 KORINT 1:21

Tümütüsho Thrünpuh lümlung ching, alominü arü lümlung hode Thrünpuh mümükheah, tüshe akinrü khümkhitpü isanü thsangyuthsangrakhi makha yu hode Thrünpuh asühshih.

1 KORINT 10:33

lüpdükhi limro ching inü she mihbüm aban asühshihpü mürangchoh. Tümüde inü I tsüpü yung tüshe arübo khümkhitpü thsüde ahihdo tsüpü yimchoh.

1 KORINT 7:16

Niuberü, nünü nü niubuh khümkhitba shi yungnü küde thsah mükheahla? Niubuhrü, nünü nü niube khümkhitba shi yungnü küde thsah mükheahla?

1 TIMOTHI 1:15

Aneakrü khümkhitpü Jisu Khrista ha lomi ching arükheah de athakhi atsütsü tüsho dükde aleangkhibe athülün lah, tüsho arü kheaknü I amütsübe ah;

1 TIMOTHI 2:4

apinü mihtsürü alala khümkhitpü tüsho thiyuro mükheahde kamshihpü mulongde lah.

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

PHILEMON 1:12

Inü api lung I mulonglam bede nü kilim thiyia arüloshihchoh.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

JAKOB 5:20

ha lümkhitang: shepünü aneakrü api amülim limro chingnü belode arübanü ashe chingnü api me khümkhitbah tüsho mükhebinkhi neakbo mujumüyita bahjihbah.