ROMRÜ KILIM PAULNÜ ATHRÜTKHI KIHÜM HUHTANYU 1:9 - AMÜSÜH HÜM CL Bible (BSI)

⁹ Api tsührü thiyusheak-atsü ching I menü atankihkhi Thrünpuh ju I thiyumütsan lah, junangde I tamkhüntamnü ching kamruhroro müdüchingde inü nüsa lümkhitchoh,

ROMRÜ KILIM PAULNÜ ATHRÜTKHI KIHÜM HUHTANYU 1:9 Iomraidhean Croise

JOB HU H T ANYU 16:19

Kheaküshe, dükde, I yumütsan yinmi ching lah, tüsho I dünlim chibuh achang kheak lah.

MARK 1:1

Ha Thrünpuh tsührü Jisu Khrista thiyusheak atsü atankih.

LUKNÜ ATHRÜTKHI THIYUSHEAK-ATSÜ HUHTANYU 18:1

Judüki arünü kamruhroro tamkhüntamnüpü tüsho mulong müninipü thsangyude api jingyanrübo ki Jisunü shihdanglimyu tha.

YUNIRÜBO RHIMO 12:5

Junangde Peter ju rihyam ching zo; tüshe borünü api thsungkheak Thrünpuh ki tamkhüntamnüjih.

YUNIRÜBO RHIMO 19:21

Harü dünjishu Paulnü Macedonia tüsho Akaia hode Jirusalem lim yüpü lümkihde tha, “I ju ching yüshu, inü Rom she rhuakheahbeah.”

YUNIRÜBO RHIMO 24:14

Tüshe arünü yingüh khülang de ajikhi Limro yande yakzan ching lakhi yungsho wukihrübo ching thrütkhi lüpdükhi yande isa jipürü Thrünpuh kingaünkhi inü nü ki alokhichoh.

YUNIRÜBO RHIMO 27:23

Tümütüsho shepü yo I la tüsho inü tankihkhi Thrünpuh yunirü yishih I ki zhip,

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

ROMRÜ KILIM PAULNÜ ATHRÜTKHI KIHÜM HUHTANYU 9:1

Khrista ching inü thiyuro thachoh, inü akeangyu mütha; Amüsüh Me ching I lümkhinü thiyumütsan jihchoh,

2 KORINT 1:23

Nüsa muzhokhinü I nüsa kilim Korint ching alode marü de I yumütsan thsüde inü Thrünpuh jichoh.

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

GALATIA 1:20

(Inü nüsa ki tümü thrütchonü akeangyu yung de Thrünpuh miki lungdode thachoh.)

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.

FILIPI 1:3

Inü nüsa lümkhitkhi alala ching I Thrünpuh ki makshe jihchoh,

FILIPI 1:4

kamruhroro nüsa thsungkheak I tamkhüntamnü aban ching asühde tamkhüntamnüchoh,

FILIPI 2:22

Tüshe künangde tsührü thsüde buhrü ki thiyusheakatsü ching I tankihkheanü Timothi thülünkhi nüsanü mükheahlah.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 TESALONIKA 1:2

Isanü tamkhüntamnü ching mutukzhakde nüsa tamde, kamruhroro nüsa alala thsungkheak Thrünpuh ki makshe jihchoh,

1 TESALONIKA 3:10

Isanü nüsa shorubah nüsa akin ching musuhdahkhi jihpü azhing ayin isanü khide mushude tamkhüntamnüchoh.

1 TESALONIKA 5:17

müdüchingde tamkhüntamnüang,

1 TIMOTHI 2:7

Ha thsungkheaknü I thsangyuthsangrarü tüsho amüsüh-thsangyurü, akin tüsho thiyuro ching khiungkerü thsangyurü khülang kamshih. Inü akeangyu yungde, thiyuro thachoh.

2 TIMOTHI 1:3

Küyimki inü I tamkhüntamnü ching azhing ayin nü lümkhitbanü, I buh pürünü arhimokhi nangde I lümkhi amüsühnü atankihkhi Thrünpuh ki inü makshe jihchoh.

PHILEMON 1:4

Küyimki inü I tamkhüntamnü ching nü lümkhitbanü kamruhroro I Thrünpuh kilim makshe jihchoh,

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.