ROMRÜ KILIM PAULNÜ ATHRÜTKHI KIHÜM HUHTANYU 1:8 - AMÜSÜH HÜM CL Bible (BSI)

⁸ Akhuhde, Jisu Khrista hode I Thrünpuh kilim inü makshe jihchoh, tümütüsho nüsa akin alomiküp alala ching zhiyukdo.

ROMRÜ KILIM PAULNÜ ATHRÜTKHI KIHÜM HUHTANYU 1:8 Iomraidhean Croise

MATHI 24:14

Tüsho ha kiulongthsü thiyusheak-atsü alomiküp alala ching thiyumütsan thsüde trükshih alala ki thsangyuthsangrabah, tüsho jushu akheam arübah.

LUKNÜ ATHRÜTKHI THIYUSHEAK-ATSÜ HUHTANYU 2:1

Judüki nimungbo ching alomiküp alala mung thrütpü Kaesar Augusta kilimnü thiyuzüng khülang yüshih.

YUNIRÜBO RHIMO 11:28

Tüsho arü bolung khülang amung Agabanü zhipbah alomiküp alala ching khümzung labah de me hode müchit; tüsho ha Klaudia kim ching dünji.

YUNIRÜBO RHIMO 28:22

Tüshe lümkhi tümüanü isanü nü kilimnü sonelah; tümüde alala ching ha khunung azhihde asukkhi isanü mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 10:18

Tüshe inü keokhi: Arünü muso de? Jua am, “Arü düsheak alomi alala ching, tüsho arü yubo alomiküp akheambo ching yüdo.”

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

ROMRÜ KILIM PAULNÜ ATHRÜTKHI KIHÜM HUHTANYU 6:17

Tüshe nüsa khülangki neak azhorü thsübah nüsanü akinkhi thsangyukhi ching mulong shuhmülanga jihde mihyuanide akamkhi Thrünpuh ki makshe jihang,

1 KORINT 1:4

Khrista hode nüsa kilim jihkhi Thrünpuh amüthsüm dünkheak kamruhroro inü nüsa thsungkheak Thrünpuh kilim makshe jihchoh.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

EFISIA 1:15

Jumonü inü she, Jisu Khrista ching nüsa akin tüsho amüsührü alala thsungkheak nüsa amuzho so dunglim,

EFISIA 1:16

I tamkhüntamnü ching nüsa tamde nüsa thsungkheak makshe jihpü anüzhak müthsü:

EFISIA 3:21

borü ching tüsho isa Khrista ching lünbo alala kilim lünnü lün api müretahshang. Amen.

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 1:3

Inü nüsa lümkhitkhi alala ching I Thrünpuh ki makshe jihchoh,

KOLOSI 1:3

Küyimki isanü nüsa thsungkheak tamkhüntamnübanü kamruhroro isa Atungpuh Jisu Khrista ki makshe jihchoh,

1 TESALONIKA 1:2

Isanü tamkhüntamnü ching mutukzhakde nüsa tamde, kamruhroro nüsa alala thsungkheak Thrünpuh ki makshe jihchoh,

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

2 TIMOTHI 1:3

Küyimki inü I tamkhüntamnü ching azhing ayin nü lümkhitbanü, I buh pürünü arhimokhi nangde I lümkhi amüsühnü atankihkhi Thrünpuh ki inü makshe jihchoh.

PHILEMON 1:4

Küyimki inü I tamkhüntamnü ching nü lümkhitbanü kamruhroro I Thrünpuh kilim makshe jihchoh,

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.