ROMRÜ KILIM PAULNÜ ATHRÜTKHI KIHÜM HUHTANYU 1:5 - AMÜSÜH HÜM CL Bible (BSI)

⁵ shepü hode isanü amüthsüm tüsho api mung ching trükshih alala bolung akin ching mihyuanipü amüsüh-thsangyurü thsüpü leangkhikhea,

ROMRÜ KILIM PAULNÜ ATHRÜTKHI KIHÜM HUHTANYU 1:5 Iomraidhean Croise

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

JOHAN 1:16

Tüsho api kim khiukkhi ching isanü müngühmühi kheaknü müngühmühi leangkhi.

YUNIRÜBO RHIMO 1:25

Judanü thsümünimbah nihbuh dangpung ching tsokhi, amüsüh-thsangyuthsangra rhimo shihcham lupü.”

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

ROMRÜ KILIM PAULNÜ ATHRÜTKHI KIHÜM HUHTANYU 12:3

Tümütüsho I kilim jih-a lakhi amüthsüm hode inü nüsa aban ki thachoh: Nü thülünkhi kheaknü nü küdahnü khide changde dülüm, tüshe Thrünpuhnü nü kilim jihkhi akin ayannü athülün atsüngalimnü lümang.

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

ROMRÜ KILIM PAULNÜ ATHRÜTKHI KIHÜM HUHTANYU 3:29

Yungsho Thrünpuh ju Jihudarü Thrünpuh lang a de? Api ju khiungkerü Thrünpuh she yung de? Am, khiungkerü thsungkheak she ah,

1 KORINT 15:10

Tüshe Thrünpuh amüthsüm hode tümü lanü I ah, tüsho I kilim api amüthsüm akeangkeang mülakheah. Tüshe arü kheaknü inü amürangbe rhimo, ju inü yung, tüshe I lung lakhi Thrünpuh amüthsümnü ah.

1 KORINT 9:2

I ju püpürü ki amüsühthsangyurü yunga lalashe, nüsa ki I ju ah; tümüde nüsa ju I Atungpuh lung amüsüh-thsangyurü thsükhi mütsanyüm ah.

EFISIA 1:12

junangde isa akhuhde Khrista kheak kinrü ju api müretah shijihpü thsungkheak labah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,