ROMRÜ KILIM PAULNÜ ATHRÜTKHI KIHÜM HUHTANYU 1:14 - AMÜSÜH HÜM CL Bible (BSI)

¹⁴ I a Greekrü le yakzan-mülarü, lümlung larü le makharü chido ki shozüng lah.

ROMRÜ KILIM PAULNÜ ATHRÜTKHI KIHÜM HUHTANYU 1:14 Iomraidhean Croise

MÜCHITMUDU 1:22

Külokhüh nüsa lümlung thülihrünü nüsa athülih limrobo muzhoba? külokhüh nüsa kithsükilangrünü kithsükilangkhi ching asühba tüsho makharünü mükheahmudu thraneanba?

MÜCHITMUDU 8:5

O nüsa lümthülihrübo, lümlung anikhitang, tüsho nüsa makharübo, anikhitkhi mulong thsang.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

LUKNÜ ATHRÜTKHI THIYUSHEAK-ATSÜ HUHTANYU 10:21

Ju kim ching Jisunü Me ching asüh, tüsho tha, “Yinmi tüsho alomi Tungpuh, Abuh, nünü harü lümlung tüsho mükheahmudurü kheak ram tüsho khungarübo ki akhiuka huhkhi dünkheak inü nü shijihchoh. Am, Abuh, haju nü mük ki atsü lakheah.

YUNIRÜBO RHIMO 22:21

Tüsho apinü I ki tha, ‘Chamachihang; tümüde inü nü hurü khiungkerü kilim yüshihbah.’ ”

YUNIRÜBO RHIMO 28:2

Ju ching larübonü isa ki amuzho büthsüde huh. Tsüng arüde athsakkhinü arünü mo thsübah isa beyuk.

YUNIRÜBO RHIMO 28:4

Jumonü küyimki kekunglorünü phuruto akhah kheak zhinkhia ngükhea, arü khülangnü khülang ki thaachih, “Ha mihtsürü mihlaksahrü ah, api keto chingnü tsokhita lalashe thiyuronü api alapü mümülü.”

YUNIRÜBO RHIMO 9:15

Tüshe Atungpuhnü api ki tha, “Yüang, tümüde api ju khiungkerü le kiulongthsürübo tüsho Israel mihtsürübo ki I mung mükheahshihpü thsüde I tankihpü inü mokhitdo;

ROMRÜ KILIM PAULNÜ ATHRÜTKHI KIHÜM HUHTANYU 1:22

Lümlung lah de athakhinü, arü makharü kam,

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

ROMRÜ KILIM PAULNÜ ATHRÜTKHI KIHÜM HUHTANYU 13:8

Khülangnü khülang ki muzhoachihpü kheak hode she ki she azüng düzo; tümüde shepünü nihbuh yamhingrü muzhochonü yakzan mihyuanido.

ROMRÜ KILIM PAULNÜ ATHRÜTKHI KIHÜM HUHTANYU 16:19

Nüsanü mihyuanikhi dünkheak mihbüm abannü sodo, jumonü nüsa kheak I asühkhinü mide lah; tüshe nüsanü atsü dünkheak inü nüsa lümlung larü tüsho amütsü dünkheak lümlang thsüshihnelah;

ROMRÜ KILIM PAULNÜ ATHRÜTKHI KIHÜM HUHTANYU 8:12

Jumonü keoniorübo, isa mah larü ah tüshe shihnü akünkhi lapü lim yung.

1 KORINT 14:11

tüshe inü thiyutha amütsan mümükheahsho I ju atharü ki khiungkerü thsübah tüsho atharü ju I ki khiungkerü thsübah.

1 KORINT 14:16

Nünü menü Thrünpuh ki mungshi jihsho, manikhitrü bolung larünü nünü athakhi yu mümükheahle küde thsah nünü makshe jihkhi ching “Amen” de athaba?

1 KORINT 2:13

Tüsho isanü ha mihtsürü lümlungnü thsangyukhi yubo chingnü mütha, tüshe Menü thsangyukhi, Me larü me thiyuro thanakkhi lah.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

2 KORINT 10:12

Sherünü küdah thsüde shilochonü isanü arü kheak mazhih yungsho makeachihpü mürangchoh. Küyimki arünü arü adünba tüsho arünü arü kheak akeakheahba, arü lümlung müla.

2 KORINT 11:19

Tümüde nüsanü lümlung lade makharü ki asühde arümdo!

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

2 TIMOTHI 2:10

Jumonü amokhitrü dünkheaknü inü lüpdükhi arümchoh, junangde arünü she Jisu Khrista ching lün müretah akhümkhit ngübah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;