PHILEMON 1:24 - AMÜSÜH HÜM CL Bible (BSI)

²⁴ Tüsho I lung rhimorü Mark, Aristarka, Dema, tüsho Luknü she ah.

PHILEMON 1:24 Iomraidhean Croise

YUNIRÜBO RHIMO 12:12

Küyimki api müsükhea, Mark de ajikhi Johan abe Mari yam ching, mihtsürü ahihkhüh mukhunga tamkhüntamnüde alapung yü.

YUNIRÜBO RHIMO 12:25

Tüsho Barnaba le Saul bünenü arü rhimo akuk ngü dunglim, Mark de ajikhi Johan bebah Jirusalem chingnü arülo.

YUNIRÜBO RHIMO 13:13

Paul tüsho api müyamrübo Paphos chingnü hantsahmusu tüsho Pamphylia ching lakhi Perga ching arü. Tüsho Johannü arü zojihbah Jirusalem lim alode yü;

YUNIRÜBO RHIMO 19:29

Jumonü kiuto ju ayingyingnü mide kam; tüsho arünü khiunglün-yam ching nanachihde yüzahbah Paul lung tsahkhi Macedoniarü Gaia tüsho Aristarka arü lungnü yankhit.

YUNIRÜBO RHIMO 27:2

Jumonü Adramittium sangkung ching yüzahbah isanü Asia keyeannü bede ayüpü keto ching yüzah. Tesalonika ching lakhi Macedoniarü Aristarka isa lung bekheah.

2 KORINT 8:23

Tita a I atrurü tüsho nüsa tankihpü ching rukhüh rhimorü ah tüsho keoniorübo ju a Khrista müretah borübo yunithsürübo ah.

FILIPI 2:25

I keoniorü rukhüh rhimorü tüsho rukhüh bonungrü, tüsho nüsa yunithsürü tüsho I yihnüpü ching tankihrü Epaphrodita nüsa kilim thiyipü yihnüpü lah de inü lüm,

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

KOLOSI 4:10

I lung rihyam ching lakhi Aristarka tüsho Barnaba phüle Marknü nüsa kilim salüm mühahchoh (Mk dünkheak küde arhimobeanü nüsanü thsangdan ludüle, api nüsa kilim arüsho beyukang),

KOLOSI 4:14

Molimükheahbuh amuzho Luk tüsho Demanü nüsa kilim salüm jihchoh.

1 PETER 5:13

Thrünpuhnü mokhitkhi Babilon ching lakhi borü tüsho I tsührü Marknü nüsa kilim salüm mühahchoh.

3 JOHAN 1:8

Jumonü isabo thiyuro ching rukhüh rhimorü thsüpü thsüde isanü hadürü mihtsürü rungbeah.