PHILEMON 1:17 - AMÜSÜH HÜM CL Bible (BSI)

¹⁷ Jumonü nünü I ju nü atrurü ah de lümsho, nünü I leangkhipü lakhi nangde api leangkhiang.

PHILEMON 1:17 Iomraidhean Croise

MATHI 10:40

“Shepünü nüsa leangkhichonü I leangkhichoh, tüsho shepünü I leangkhichonü I thiyibuh leangkhichoh.

MATHI 18:5

Tüsho shepünü I mung chingnü ha azürü nunu khülang leangkhichonü I leangkhichoh.

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

YUNIRÜBO RHIMO 16:15

Tüsho küyimki alibe ju yamkhün bede baptikheanü isa jide tha, “Nüsanü I Atungpuh ki thiyuro lakhi khejihsho, I yam ching arübah binang.” Tüsho alibenü isa ki reangkihde ji.

2 KORINT 8:23

Tita a I atrurü tüsho nüsa tankihpü ching rukhüh rhimorü ah tüsho keoniorübo ju a Khrista müretah borübo yunithsürübo ah.

EFISIA 3:6

junangde khiungkerü ju rukhüh yamrüplurüp lurü, pang rukhüh ching kheyukrü, tüsho thiyusheak-atsü hode Jisu Khrista ching alokhikhi shihcham lurü ah.

FILIPI 1:7

Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah.

1 TIMOTHI 6:2

Tüsho sherü akinrü putungrübo lanü, keoniorü thsümonü arü ki wüntre müjihde düla; tüshe atsübenü arü tankihang tümütüsho arü rhimo hode sherü alü thsüa lanü akinrübo tüsho arünü amuzhokhi lah. Nünü harü arü ki thsangyuthsangrabeah tüsho tuthsukbeah.

PHILEMON 1:10

I rihyam ching lachoki I tsührü kamkhi Onesima dünkheak inü nü ki mushuchoh.

PHILEMON 1:12

Inü api lung I mulonglam bede nü kilim thiyia arüloshihchoh.

PHILEMON 1:18

Apinü nü ki amülim thsüa lasho, yungsho tümükhüh zünglasho ju I kheak züngkihjang.

IBRI 3:1

Jumonü, yinmi limnü ajikhi ching shihcham lurü amüsüh keoniorübo, Jisu ju isanü alokhikhi amüsüh-thsangyurü tüsho achangbe amükeamrü de lümang.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.