OBADIA 1:3 - AMÜSÜH HÜM CL Bible (BSI)

³ Nü mulong kükheangkhinü nü mülapyukdo, nü lungku ching larü, shepü lapung achang ching la. Nünü nü mulong ching tha, “Shenü I alo kheak bekhipü?”

OBADIA 1:3 Iomraidhean Croise

THRÜNTAN 36:8

Jumonü Esaunü (ju Edom) Seir awung lomi ching la.

2 KIULONG THSÜRÜ 14:7

Apinü Edomrü thimi jindükhün chingnü 10,000 laksah tüsho thirithsü chingnü Sela yankhia lubah ju Joktheel de ji, ju mung khihni khiungde lah.

2 KIUTHSÜYUKHEAN 25:11

Amazianü mulong toa lu, tüsho anihbuh mihtsürübo bede yü; apinü Thimi Jindükhün ching yü, tüsho Seir mihtsürü 10,000 laksah.

2 KIUTHSÜYUKHEAN 25:12

Judarü bonungrünü püpü 10,000 arhangnü rambah Sela mujuk kheak bede yü, tüsho arübo Sela mujuk kheaknü jipkhia bah, junangde arü alala adütre kamabah.

JOB HU H T ANYU 20:6

Apinü thüning khiungde künkihkih she, tüsho api kunü amobo khiungkhiung she,

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

MÜCHITMUDU 18:12

Athsümünimpü müngüh mihtsürü mulong kükheangkhi lah, tüshe wüntrepü müngüh azhihayih lah.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

ISAIA 16:6

Isanü Moab kükheangkhi sodo– api küdükhüh she kükheangla!–api bukakhiukkhi, api kükheangkhi, tüsho api mulong zhipzhipkhi; tüshe api kükheangkhi akeangkeang lah.

JEREMIA 21:13

Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

JEREMIA 37:9

Atungpuhnü ha thachoh: Nü zangrü mülapyukde dütha, “Tsükjide Kaldearü isa kheaknü atsobah,” tümüde arübo tsoamübah.

JEREMIA 48:28

O Moab ching larübo! Kiutobo bahang, tüsho lungto ching laang, lungku münküp kheak asap shukhi müthrithrümpü nangde thsang.

JEREMIA 49:16

Nünü bukmükekhi tüsho nü mulong kükheangkhinü nü mülapyukdo, nü shepü lungkubo ching lacho, shepü awung achang ramrihla. Nünü müleang nangde changde sap shushu she, ju chingnü inü nü thokhibah, Atungpuhnü thachoh.

JEREMIA 49:4

Tümüde nü yo jindükhün thsungkheak nü kükheangcho? Nü sühmüh keakeade kamchoh O akin mülakhi tsührübe. Nünü nü rahpungbo ching kinde thachoh, “Shenü I azhihpü?”

EZEKIEL 28:16

Nü shothsümolo suhdahkhi ching athsümünimnü nü mide la, tüsho nünü neak yihbeak; jumonü amünean kukruk nangde Atungpuh müzüng chingnü inü nü bah, tüsho akümbuh cherubnü azhingzhing shotolung bolungnü nü yanabah.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.