OBADIA 1:21 - AMÜSÜH HÜM CL Bible (BSI)

²¹ Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

OBADIA 1:21 Iomraidhean Croise

THRÜNTAN 25:23

Atungpuhnü alibe ki tha, “Nü nuyam ching trükshih mahne lah, tüsho nünü azübekhi mihtsürü mahne müzütbah; khülang ju püpü kheaknü amürangbe labah, azopünü akheambuh tankihbah.”

2 KIULONG THSÜRÜ 13:5

Jumonü Atungpuhnü Israel kilim akhümkhitrü khülang jih, junangde arü Siriarü khah chingnü tsokhit; tüsho akhuhlim nangde Israel mihtsürü nihbuh yambo ching la.

NEHEMIA 9:27

jumonü nünü arübo arü thsünüshihrü thiriri khah ching jihabah. Tüsho arü küpkhukkhi ching arung kheangde azhichoki nünü yinmi chingnü alojih. Nü amüthsüm ato ching arü riri khah chingnü khümkhitpü limberü thiyi.

MUNGSHIKHÜN 102:15

Junangde trükshihbonü Atungpuh mung, tüsho alomi kiulongthsürübo alalanü nü müretahkhi trebah.

MUNGSHIKHÜN 22:28

Atungpuh ju kiulongthsürü ah, tüsho apinü trükshihbo yakzan shuhchoh.

MUNGSHIKHÜN 22:29

Kükheangküyang mihtsürü alalanü api miki khukningbah; ashe asürükhi mihtsürü alalanü api miki khukningbah.

MUNGSHIKHÜN 47:7

Tümüde Thrünpuh a alomi alala kiulongthsürü ah; anikhitkhinü mungshikhün thsang.

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

ISAIA 19:20

Ha Ijip lomi ching Wuto Atungpuh kilim amütsan tüsho thiyumütsan khülang labah; küyimki ajunorü dünkheaknü arünü Atungpuh ki zhibanü, apinü arü kilim akhümkhitrü khülang yüshihbah, tüsho atsungdobah tüsho arü bekhitbah.

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

MATHI 6:10

Nü kiulongthsü arang, yinmi ching künangde la, alomi ching junangde nü lümkhi thsang.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

LUKNÜ ATHRÜTKHI THIYUSHEAK-ATSÜ HUHTANYU 22:30

junangde nüsanü I kiulongthsü ching I dükhüm kheak tsühyungbah, tüsho Israel trük thürükheak mahne mahkhapde kiulongthsü-binkiubo kheak binbah.”

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

JAKOB 5:20

ha lümkhitang: shepünü aneakrü api amülim limro chingnü belode arübanü ashe chingnü api me khümkhitbah tüsho mükhebinkhi neakbo mujumüyita bahjihbah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.

AMIKHEAKAKHIUKKHI 20:4

Judüki inü kiulongthsü-binkiubo ngü, tüsho jurü kheak binrü ju mahkhappü wu jih-a lakheah. Kheaküshe arünü Jisu tüsho Thrünpuh yu kinmo, tüsho shiwüh yungsho mejak mükingaünrü tüsho arü kingkangbo le arü khahbo kheak amütsan yümkihkhi mülarü laksahkhi mebo inü ngü. Arü arhang kamlo, tüsho Khrista lung kam chithürü kiulongthsü.

MAHKHAPRÜ 2:16

Judüki Atungpuhnü arü yankhia lurü khah chingnü bekhitrü mahkhaprübo asürüshih.

MAHKHAPRÜ 3:9

Küyimki Israelrünü Atungpuh ki zhikhea, Israelrü tsührübo bekhitpü thsungkheaknü Kenaz tsührü Kaleb niurü Othniel yüshih.