OBADIA 1:19 - AMÜSÜH HÜM CL Bible (BSI)

¹⁹ Negebnü Esau wungbo lubah tüsho Shephelanü Filistiarü lo lubah; arünü Ephraim tüsho Samaria lo lubah, tüsho Benjaminnü Gilead lubah.

OBADIA 1:19 Iomraidhean Croise

2 KIULONG THSÜRÜ 17:24

Asiria kiulongthsüpuhnü mihtsürübo Babilon, Kutha, Avva, Hamath, tüsho Sepharvaim chingnü bede arü, tüsho Israel müthri Samaria ching arübo lashih; arünü Samaria yamalo lu, tüsho kiutobo ching la.

1 KIUTHSÜYUKHEAN 5:26

Jumonü Israel Thrünpuhnü Asiria kiulongthsüpuh me (Tiglath-pileser) thurumusujih, tüsho apinü Reubenrü, Gadrü, tüsho Manase trük chamkhüh Hala, Habor, Hara, tüsho Gozan ayung ching hande yünü kamruhroro laabahshih.

EZRA 4:17

Kiulongthsüpuhnü ha thaloa yüshih: “Limthobuh Rehum, athrütbuh Shimshai tüsho rukhüh larübo Samaria tüsho aningkhi aniyüzahlim Euphra ching larü kilim, salüm.

EZRA 4:2

arünü Zerubbabel tüsho gukbo ching akubo shorubah tha, “Arüngyam thsülopü thsungkheaknü isa she nüsa lung rukhüh thsanü, nüsanü kingaünkhi Thrünpuh ju lang isanü she kingaünchoh, tüsho Asiria kiulongthsüpuh Esarhaddon nü isa ha ching bedarükhi kim chingnü kingaünchoh.”

MUNGSHIKHÜN 69:35

Tümüde Thrünpuhnü Zion khümkhitbah tüsho Juda kiutobo thsübah, junangde ju ching mihtsürübo labah tüsho müküh-a lubah;

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 49:1

Amonrü dünkheaknü Atungpuhnü ha thachoh: Israel tsührü müla de? Api münü müla de? Dale küde thsah Moleknü Gad mükühkhea tüsho api mihtsürü ju kiutobo ching lashihkhea?

EZEKIEL 25:16

jumonü Atungpuh Thrünpuhnü ha thachoh, Inü Filistiarü azhihde I khah chungkihbah, Kerethrü lipkhia bahbah tüsho aningkhi keyean thsümünimbah.

EZEKIEL 36:28

Judüki inü nüsa jipürü ki jihkhi lo ching nü labah; tüsho nü I mihtsürü thsübah, tüsho I nü Thrünpuh thsübah.

AMOS 1:13

Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih.

AMOS 1:8

Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.

AMOS 9:12

junangde arünü Edom aningkhi tüsho I mung tamde ajikhi trükshihbo alala kuka lubah, ha rhimobuh Atungpuhnü thachoh.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

WÜHKHE 1:32

Josep tsührübo chingnü: Ephraim trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

JIHUSUA 13:25

Arü lo ju Jazer tüsho Gilead kiutobo, Rabba aniakhiuklim Aroer khiungde alakhi Amonrü lo shihchamkhüh;

JIHUSUA 13:31

tüsho Gilead shihchamkhüh, Bashan ching lakhi Og kiulongthsü kiutobo Ashtaroth tüsho Edrei. Harü alala Manase tsührü Makir tsührübo arü guk ayannü Makirrü chamkhüh kilim jih.

JIHUSUA 15:21

Düjinglim limshu ching lakhi Juda trük kiutobo, Edom aredung phünide alakhibo ju Kabzeel, Eder, Jagur,

JIHUSUA 15:33

Tüsho Lokeamlo ching lakhibo ju Eshtaol, Zora, Ashna,