OBADIA 1:18 - AMÜSÜH HÜM CL Bible (BSI)

¹⁸ Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

OBADIA 1:18 Iomraidhean Croise

2 SAMUEL 19:20

Tümüde inü neak yihbeakdo de nü yamlarünü mükheahlah; jumonü, kheahang, I tungpuh kiulongthsüpuh shorupü Josep yamkhün alala kheaknü akhuhbe thsüde I khihni akikheah.”

ABEKHIT 5:12

Jumonü mihtsürübonü müneang yimdarüpü Ijip lomi alala ching hiumüzüt.

ISAIA 10:17

Israel ayin ju mo khülang kambah, tüsho api Amüsüh Khülang motru kambah; ju atakbah tüsho api yangbo le khingphubo nimung khülangnü aniuabahbah.

ISAIA 31:9

Atrekhinü apinü nihbuh chipi bahbah atsobah, tüsho api torübonü riphin ngübah ajande atsobah, Atungpuhnü thachoh, shepü mo Zion ching la, tüsho shepü motru Jirusalem ching la.

ISAIA 47:14

Kheahang, arübo sünit nangde lah, monü arübo aniuchoh; arünü motru wu chingnü arü nihbuh mükhümkhitkhuk. Ha arü thüyüpbe mokhih yung, amiki binbe mo yung!

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 9:18

Tümüde mihbukmuyuknü mo nangde takchoh, khingphu tüsho ayangbo aniuabahchoh; hanü murung achak takkihchoh, tüsho mokhüh nangde yükihchoh.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 11:23

tüsho arü asheaning sheshe müla. Tümüde inü Anathoth mihtsürü kheak, arü thsümüchikhi kam, thsümütsü handarübah.

EZEKIEL 37:16

Mihtsürü tsührü, tso khülang luang tüsho ju kheak thrütang, “Juda kiulongthsü.” Jushu tso püpü luang tüsho ju kheak thrütang, “ Israel kiulongthsü”;

EZEKIEL 37:19

Arü ki thaang, Atungpuh Thrünpuhnü ha thachoh: Inü Israel mung chingnü tso khülang lubah tüsho ju Juda tso kheak yihkihbah, tüsho ane tso khülang kambah, junangde ane I khah ching khülang labah.

JOEL 2:5

Khora-lolungbebonü atruktrukkhi nangde, arünü müzüng mujukbo kheak jukchoh, motrunü reapreapde sünit aniukhi nangde, wulakhi bonungrü nangde keochihpü shihkhin thsüchoh.

AMOS 1:8

Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

AMOS 6:6

shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü!

OBADIA 1:16

Tümüde nünü I yo amüsüh müzüng kheak yungkhi nangde, nü mühirü trükshih alalanü ayungbah; arünü ayungbah tüsho ayingyingbah, tüsho arünü küyimkishe müthsüa kheahkhi ruk labah.

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

1 KORINT 3:12

Kheakü khürünü khimtan kheak ju suna, shotoyinchi, shotolungbo, sang, rim tüsho müneangnü thsüsho,