OBADIA 1:15 - AMÜSÜH HÜM CL Bible (BSI)

¹⁵ Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

OBADIA 1:15 Iomraidhean Croise

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

JOB HU H T ANYU 24:1

Tümüde Wutobuhnü mahkhappü kim muzocho le, tüsho tümüde api mükheahrünü küyimkishe api nimungbo müngü le?

MUNGSHIKHÜN 137:8

O Babilon tsührübe, shepü athsümünimpü akhua la, nünü isa ki rhimokhi thsungkheak shepünü nü ki jihlobanü asühpü.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 49:12

Tümüde Atungpuhnü ha thachoh: khürü pung yungpü müthülünlün she, judü lang ayungbah, nü a müthsümüchide atsoba de? Nü müthsümüchide müyü; nünü ju ayungpü tsütsü.

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

JEREMIA 51:56

tümüde athsümünimrü khülang Babilon azhihde arüdo; anihbe thirithsürübo luabahdo, arü sanglühbo zhaka lah; tümüde Atungpuh ju ashaklo Thrünpuh ah, apinü mide ajihlobah.

EZEKIEL 30:3

Tümüde nimung thüninde lah, Atungpuh nimung thüninde lah; ha amo-khüpkhi nimung labah, trükshih thsungkheak kim lah.

EZEKIEL 35:11

jumonü I lale, Atungpuh Thrünpuhnü thachoh, nünü arü azhihde thraneankhi dünkheak nü bukakhiukkhi tüsho nünü mükthsükhi yande inü nü kheak rhimobah; tüsho inü nü mahkhapchoki nüsa bolung I mükheahshihbah.

EZEKIEL 35:15

Tümüde nünü Israel yamkhün yamrüplurüp kurungkheak asühachihdo, tümütüsho ha zhikrangkhündo lakheah, jumonü inü nü ki rhimobah; nü zhikrangkhündo alabah, O Edom müzüng, nü tüsho Edom alala. Judüki I Atungpuh de arünü mükheahbah.

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

AMOS 5:20

Atungpuh nimung ju ayin yungde amiting, tüsho ayinatrüm mülade aliudokhi yung de?

MIKA 5:15

Bukakhiukkhi tüsho mulong zhipzhip ching inü mihyumanikhi trükshihbo kheak royimbah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

MATHI 7:2

Tümütüsho nüsanü mührü yukhapkhi yande nüsa yukhapbah, tüsho nüsanü akeara ahorikhi yande nüsa akearabah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

MAHKHAPRÜ 1:7

Tüsho Adonibezeknü tha, “ Kiulongthsürü 70 arü khahkutopü le jingkutopübo khapshakbah I dükhüm bukkhüp adütrebo moa lude lado; kheakü inü tümü rhimokheanü Thrünpuhnü I kilim jihlochoh.” Arünü api Jirusalem ching bebah arü, tüsho api ju ching sheabah.