OBADIA 1:13 - AMÜSÜH HÜM CL Bible (BSI)

¹³ Nünü arü thsümütsü nimung I mihtsürü chipiripit ching müyüzahpü lado; nünü arü thsümütsü nimung Juda lümthsünü khenokhi ching mübepü lado; nünü arü thsümütsü nimung arü kukruk yankhia mulupü lado.

OBADIA 1:13 Iomraidhean Croise

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

JOB HU H T ANYU 31:29

I thraneanrü thsümünimkhi kheak inü asüh-a lasho, yungsho amütsünü arü yanphuhchoki khide asüh-a lasho–

MUNGSHIKHÜN 22:17

Inü I robo alala khekhuklah. Arünü I kheak kheahmüripde kheahchoh.

JEREMIA 46:21

Anihbenü amulokhi bonungrübo she moshi nunubo nangde athsükhukpü müla; arübo she rholodo tüsho nungde tsodo, arübo müzhip; tümüde arü kheak arü thsümütsü nimung, arü thsümüchi kim akihdo.

EZEKIEL 35:10

Tümütüsho nünü tha, “Ha trükshih mahne tüsho lomi mahne I yo thsübah, tüsho isanü arü yamalo lubah,”–Atungpuh ju ching laa lalashe–

EZEKIEL 35:5

Tümütüsho nü a mutuklode Israel riri lakheah, tüsho arü thsümütsü, arü akheam thsümüchi kim ching Israel mihtsürü nukshang wu kilim jih;

EZEKIEL 36:2

Atungpuh Thrünpuhnü ha thachoh: Tümütüsho thiririnü nüsa ki tha, “Aha!” tüsho, “Jipü wung achangbo isa yamalo kamdo,”

EZEKIEL 36:3

jumonü müchitang, tüsho thaang: Atungpuh Thrünpuhnü ha thachoh: Tümütüsho arünü nüsa zhikrangkhündo kamshih, tüsho thrip alala chingnü nüsa züthünak, junangde nüsa ju aningkhi trükshihbo yamalo kam, tüsho mihtsürü bolung nüsa ju dünthamungtha tüsho jipjiprara kam;

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.