OBADIA 1:10 - AMÜSÜH HÜM CL Bible (BSI)

¹⁰ Nü niurü Jakob laksahkhi tüsho thiyih bukkhi dünkheak achihnü nü zhidobah, tüsho nü lünnü lipkhia bahbah.

OBADIA 1:10 Iomraidhean Croise

THRÜNTAN 27:11

Tüsho Jakobnü abe Rebeka ki tha, “Kheahang, I khiung Esau a nam kihkhi mihtsürü ah, tüsho I a küp-shahshahkhi mihtsürü ah.

THRÜNTAN 27:41

Jumonü abuhnü api müngühjihkhi dünkheak Esaunü Jakob lungkhangde kam, tüsho Esaunü amulong ching tha, “I buh dünkheak tüzhopü nimungbo thüninde lah; jushu inü I niurü Jakob laksahbah.”

2 KIUTHSÜYUKHEAN 28:17

Tümüde Edomrünü kheaküshe azahbah Judarü yan, tüsho aramrübo lubah tso.

MUNGSHIKHÜN 109:29

I müneahrübo achih ngükhi yihshang, tüsho khimmih nangde arü lümchihyuknü arü lüpdoshang.

MUNGSHIKHÜN 132:18

Inü api riribo achihnü alüpdojihbah tüshe api kiulongthsü akuk ngüde lalim tsübah.”

MUNGSHIKHÜN 137:7

O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

MUNGSHIKHÜN 69:7

Tümüde nü dünkheaknü inü mükhemükim hando, ju achihnü I miro lüpdolah.

MUNGSHIKHÜN 89:45

Nünü api athunu nimungbo khihshih; nünü mungchihnü api lüpdo.

MÜCHITMUDU 10:6

Thiyuro-lungkirü ku kheak müngühmühibo lah, tüshe athsümünimnü mihbukmuyuk mün hümdolah.

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 49:13

Tümüde I küdahnü thiyuchihchimdo, Atungpuhnü thachoh, junangde Bozra ju mihtrebe tüsho münedung, abahkhi, tüsho muthrukhi kukruk khülang kambah; tüsho anihbe kiutobo alala lünnü abahkhi labah.

JEREMIA 51:51

Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

TÜZHOKHI 4:21

Nüsa sherü Uz lomi ching lanü asühachihang tüsho asühang, O Edom tsührübe; tüshe nü kilim she pung arübah; nü amüshangbah tüsho nü bünkeang kambah.

TÜZHOKHI 4:22

O Zion tsührübe, nü thsümüchi arün thsübah; apinü nü ramtso muruhshih. Tüshe, O Edom tsührübe, apinü nü thsümüchibah tüsho nü neak lahkhitbah.

EZEKIEL 35:9

Inü nü kiutobo lünnü azhikkhi kamshihbah, tüsho nü yo kiutobo ching küyimkishe mülaloshih. Judüki I Atungpuh de nünü mükheahbah.

EZEKIEL 7:18

Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

AMOS 1:11

Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

MIKA 7:10

Judüki I ririnü angübah, tüsho achihnü anihbe lüpdobah, shepünü I ki tha, “Atungpuh nü Thrünpuh küching la?” I mükbonü anihbe lungkhi ngübah; kheakü anihbe ju kiudunglimro akhimniuhniuh nangde athrümyukbah.

YUZÜNGTHALO 23:7

“Nünü Edomrü düthranean tümüde api nü keoniorü ah. Nünü Ijiprü düthranean, tümütüsho khülang ki nü arü lo ching khiungkerü lakheah.

YUZÜNGTHALO 23:8

Arü tsührübo lün mahsampü chingnü ründe Atungpuh mihtsürü lung bepü kuklah.