OBADIA 1:1 - AMÜSÜH HÜM CL Bible (BSI)

¹ Obadia michih. Atungpuh Thrünpuhnü Edom dünkheak ha thachoh: Isanü Atungpuh kilimnü thiyusheak khülang sodo, tüsho yunithsürü khülang trükshih bolung thiyido: “Asürang! Isanü Edom bede keochihpü yüanü!”

OBADIA 1:1 Iomraidhean Croise

THRÜNTAN 25:30

Esaunü Jakob ki tha, “Muzhobah awo amürüm ju I kipang, tümüde I khümkeaka lah.” Jumonü api mung Edom de ajikheah.

THRÜNTAN 36:8

Jumonü Esaunü (ju Edom) Seir awung lomi ching la.

THRÜNTAN 36:9

Tüsho ha Seir wung ching lakhi Edomrü abuh Esau lünkhe ah.

MUNGSHIKHÜN 137:7

O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

ISAIA 21:11

Edom dünkheak müchityu. Khülangnü Seir chingnü I ki jichoh, “Aheangbuh, tsüngre künangde ahoba? Aheangbuh, tsüngre künangde ahoba?”

ISAIA 21:12

Aheangbuhnü tha: “ Yapsu arüchoh, tüsho azhing she arüchoh. Nünü akeokhipü lasho, keokhiang; alode arang.”

ISAIA 30:4

Tümüde arü torübo Zoan ching lalashe tüsho arü thiyusheak-jihrü Hanes khiunga lalashe,

JEREMIA 25:17

Jumonü inü Atungpuh khah chingnü pung lu, tüsho Atungpuhnü I thiyia yüshihpung trükshih alala yungshih:

JEREMIA 25:21

Edom, Moab, tüsho Amonrü;

JEREMIA 51:46

Lomi ching arhunganimkhi sobah mulong dünini yungsho trede düla–kam khülang ching arhunganim khülang arüchoh, ashikampü püpü arüchoh, lomi ching athsümünim düsheak tüsho yakzanshuhrünü yakzanshuhrü azhihkhi lah.

EZEKIEL 35:1

Atungpuh yu I ki arü:

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

MIKA 2:13

Shepünü lakashungchonü arü müngüh yübah; arünü lakashungbah tüsho chipiripit hode junü awukhiukbah. Arü kiulongthsüpuh arü müngüh yübah, Atungpuhnü arü limbebah.

MATHI 24:6

Nüsanü thirithsübo tüsho thirithsü düsheakbo sobah, tüshe nüsanü darhunganim; tümüde harü alala adünjibah, tüshe akheam marüyi.

MARK 13:7

Küyimki nüsanü thirithsü düsheakbo sobanü dümüyinsah; tümüde hadürü dünjibah, tüshe akheam marüyi.