NEHEMIA 9:5 - AMÜSÜH HÜM CL Bible (BSI)

⁵ Tüshe Levirü, Jeshua, Kadmiel, Bani, Hashabneia, Sherebia, Hodia, Shebania tüsho Pethahia pürünü tha, “Zhipang tüsho Atungpuh nüsa Thrünpuh shiang, api akheam mülakhi lünnü lün shiang! Müngühmühi tüsho mungshikhi alala kurungkheak shuhkihkhi nü mung müretahkhi müngühmühi thsang!”

NEHEMIA 9:5 Iomraidhean Croise

1 KIULONG THSÜRÜ 8:14

Judüki kiulongthsüpuhnü mühiphülap tüsho Israel boto alala zhipde alachoki arü alala müngühjih.

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIULONG THSÜRÜ 8:22

Solomonnü Atungpuh kingaün sadam müngüh, Israel amukhungrü miki zhip, tüsho api khah thüning lim chungkih.

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

1 KIUTHSÜYUKHEAN 16:36

Akheam mülakhi chingnü akheam mülakhi khiungde, Israel Thrünpuh, Atungpuh shiang.” Judüki mihtsürü alalanü tha, “Amen!” tüsho Atungpuh shijih.

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

1 KIUTHSÜYUKHEAN 29:13

Tüsho kheakü, isa Thrünpuh, isanü nü ki makshe jihchoh tüsho nü müretahkhi mung shichoh.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 20:13

Judüki Judarü alalanü arü khungarübo, arü niuberübo, tüsho arü tsührübo bebah Atungpuh miki zhip.

2 KIUTHSÜYUKHEAN 20:19

Tüsho Levirü, Kohathrü le Korarünü düsheak khide achangnü Atungpuh , Israel Thrünpuh shipü zhip.

EZRA 3:11

Arünü aloachihde Atungpuh mung shikhi khün thsü: “Atungpuh tsülah, tüsho api mihmüthsüm Israel thsungkheaknü akheamarün müla.” Mihbüm abannü nihbe düsheak achangnü zhide Atungpuh mung shi, tümüde arüngyam khimtan ju tankih.

NEHEMIA 9:4

Ju ching Levirü thsungkheak sadam lakheah, ju kheak zhiprü Jeshua, Bani, Kadmiel, Shebania, Bunni, Sherebia, Bani tüsho Kenani. Arünü Atungpuh arü Thrünpuh ki achangnü tamkhüntamnü.

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

JOB HU H T ANYU 1:21

Apinü tha, “I be nuyam chingnü I bünkeang arükheah, tüsho I bünkeang yülobah; Atungpuhnü jih, tüsho Atungpuhnü lude tsodo; Atungpuh mung müngühmühi thsüshang.”

MUNGSHIKHÜN 106:2

Shepünü Atungpuhnü ato rhimokhi zhiyukkhukla? Yungsho api mungshi alala khipkhitkhukla?

MUNGSHIKHÜN 134:1

Nüsa Atungpuh tankihrübo alala, azhing ching Atungpuh yam ching zhiprü, Atungpuh shiang!

MUNGSHIKHÜN 145:2

Nimung aban inü nü shibah tüsho inü lünnü lün nü mung shibah.

MUNGSHIKHÜN 145:5

Inü nü müretahde atsüdakkhi nü wüntre-müretah, tüsho nü amüyinsahbe rhimobo lümakheahbah.

MUNGSHIKHÜN 146:2

I arhang lachoki inü Atungpuh shibah; I rhangdung lachoki inü I Thrünpuh ki müshikhibo khün thsübah.

MUNGSHIKHÜN 16:2

Inü Atungpuh ki tha, “Nü I TUN GPU H ah; nü hobah I atsü tümü müla.”

MUNGSHIKHÜN 66:2

api mung müretahkhi khün thsang; api ki müretah mungshi jihang!

MUNGSHIKHÜN 99:3

Arünü nü mung ato tüsho atrebe mung shishang– api amüsüh ah.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

DANIEL 2:20

Danielnü tha: “ Lün chingnü lün Thrünpuh mung müngühmühi thsang, tümüde lümlung tüsho wu api yo ah.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

YUZÜNGTHALO 28:58

“Nüsanü Atungpuh nüsa Thrünpuh müretahkhi tüsho api atrebe mung wüntrepü thsüde, ha hüm ching thrüta lakhi yakzan alala kümkangde müyansho,

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

MAHKHAPRÜ 13:18

Atungpuh yunirünü api ki tha, “ Ha amüyinsahbe ah de ngübah, tümüde nünü I mung keokhicho?”