NEHEMIA 9:35 - AMÜSÜH HÜM CL Bible (BSI)

³⁵ Arünü arü kiulongthsü ching, nünü arü kilim jihkhi nü tsüdakkhi ching, tüsho nünü arü müngüh zojihkhi ato tüsho lotsülo ching nü mütankih; tüsho arünü amütsü rhimo chingnü murholo.

NEHEMIA 9:35 Iomraidhean Croise

NEHEMIA 9:25

Müküpde chipi ayünkhi kiutobo, lotsülo, lakhitnü amikhi yambo, kiua lakhi kekhipbo, tüsho kurungasolu, oliv dungbo, nü mihtsürübonü yankhia lu. Arü künkhi tsühde shihkih; nünü ajihkhi kukruk atsübo ching arü reangkeamde asüh. @1-LINE- SP ACE=

NEHEMIA 9:34

Isa jipürübo, kiulongthsürübo, limberübo tüsho amükeamrünü nü yakzan müyan. Arünü nü yukhüm tüsho müzünde athakhi mani.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

JEREMIA 5:19

Tüsho küyimki nü mihtsürübonü athaba, “Tümüde Atungpuh isa Thrünpuhnü harü alala isa kheak rhimokhea?” nünü arü ki thabah, “ Nüsanü I bahyuk tüsho nüsa lomi ching khiungkerü thrünpuhbo tankih, jumonü nüsa lo ching yungde nüsanü khiungkerü tankihbah.”

EZEKIEL 5:6

Tütüshe mihbukmuyukkhi ching anihbenü nihbe mükamde alakhi trükshihbo tüsho lomibo kheaknü alü I yakzanbo tüsho I yuzüngbo azhih. Anihbenü I yakzanbo bahyuk tüsho I yuzüngbo thsunglo.

YUZÜNGTHALO 28:47

Tümütüsho hadükhüh müthangmüsünkhi ching nüsanü Atungpuh nüsa Thrünpuh mulong asühkhinü mütankih,

YUZÜNGTHALO 28:48

jumonü nüsanü khümde, kethüride, bünkeang, tüsho kimkethürü mükheakde Atungpuhnü nüsa azhihde arüshihkhi nüsa riri tankihbah; tüsho nüsa müsheshihyi khiungde apinü nüsa hung ching yinchi-khrih yihkihjihbah;

YUZÜNGTHALO 31:21

Tüsho küyimki amütsübo tüsho thsümütsübo arü kheak arübanü, ha khünnü arü azhihde thiyumütsan thsübah; tümütüsho arü tsühsoniusobonü mümihabah, tümüde inü arü kilim jihpü thiyuchihchimkhi lo lim bede müyüyide arü lümkhi inü mükheahlah.”