NEHEMIA 9:34 - AMÜSÜH HÜM CL Bible (BSI)

³⁴ Isa jipürübo, kiulongthsürübo, limberübo tüsho amükeamrünü nü yakzan müyan. Arünü nü yukhüm tüsho müzünde athakhi mani.

NEHEMIA 9:34 Iomraidhean Croise

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

2 KIUTHSÜYUKHEAN 29:6

Tümüde isa jipürübonü thiyuro mülade arüdo tüsho Atungpuh isa Thrünpuh miki amütsü rhimodo; arünü api bahyuk, tüsho arü miro Atungpuh lakhi chingnü anguhde tso, tüsho arü dunglim anguh.

EZRA 9:10

“Tüshe O isa Thrünpuh, jurü alala dünjishu kheakü isanü tümü thakhukba? Tümüde isanü nü yakzan bahyukdo,

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

NEHEMIA 9:33

Nünü isa alungki ching thsümüchido; neak yihbeakbeak she nünü isa muzhode müthsüm.

NEHEMIA 9:35

Arünü arü kiulongthsü ching, nünü arü kilim jihkhi nü tsüdakkhi ching, tüsho nünü arü müngüh zojihkhi ato tüsho lotsülo ching nü mütankih; tüsho arünü amütsü rhimo chingnü murholo.

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 44:17

Ju müthri, isa le isa jipürübo, isa kiulongthsürübo tüsho atorübonü Juda kiutobo tüsho Jirusalem kiudunglimrobo ching rhimokhi nangde, yinmi kiulongthsübe ki rhümthüneabe kingaünde tüsho anihbe ki yukhu bukkihde lüpdükhi isanü athakhi rhimobah. Junangde isa tsühyungpü suhde, tüsho lalim tsüde alakheah, tüsho kuhi amütsü tümü müngü.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

EZEKIEL 5:6

Tütüshe mihbukmuyukkhi ching anihbenü nihbe mükamde alakhi trükshihbo tüsho lomibo kheaknü alü I yakzanbo tüsho I yuzüngbo azhih. Anihbenü I yakzanbo bahyuk tüsho I yuzüngbo thsunglo.

DANIEL 9:6

Isanü nü mung chingnü isa kiulongthsürübo, yakzanshuhrübo, isa jipürübo, tüsho lomi mihtsürü alala ki asukkhi nü yamlarübo ki mani.

YUZÜNGTHALO 31:21

Tüsho küyimki amütsübo tüsho thsümütsübo arü kheak arübanü, ha khünnü arü azhihde thiyumütsan thsübah; tümütüsho arü tsühsoniusobonü mümihabah, tümüde inü arü kilim jihpü thiyuchihchimkhi lo lim bede müyüyide arü lümkhi inü mükheahlah.”