NEHEMIA 9:32 - AMÜSÜH HÜM CL Bible (BSI)

³² O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

NEHEMIA 9:32 Iomraidhean Croise

1 KIULONG THSÜRÜ 8:23

Apinü tha, “O Atungpuh ; Israel Thrünpuh, nü yamlarübo arü mulong athrünkhinü nü müngüh tsahrü thsungkheak tangzüng zokhi tüsho düngyingde muzhokhi nü nangde achanglim yinmi ching tüsho abolim alomi kheak Thrünpuh sheshe müla,

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 17:23

Apinü ayamlarü wukihrübo hode athajungkhi nangde Atungpuhnü Israel amikinü müyihkhityi khiungde alakheah. Jumonü Israelnü nihbuh lomi chingnü Asiria ching tsode yünü khihni khiungde la.

2 KIULONG THSÜRÜ 17:3

Asiria kiulongthsüpuh Shalmanesernü api azhihde atu; Hoshea api bukkhüp laabah, tüsho api kilim ruk jih.

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIULONG THSÜRÜ 25:7

Arünü Zedekia tsührübo api mük kinü laksah, jushu Zedekia mükjibo khünkhit; arünü api wuhrünliunü rhükbah Babilon lim bede yü.

EZRA 4:10

püpürü lomi mihtsürü atoashangrü Osnappar, nihbe lo bahbah aramrü thsüde arünü Samaria tüsho kiuto aniyüzahlim Euphra lomi ching larübo kilimnü.”

EZRA 4:2

arünü Zerubbabel tüsho gukbo ching akubo shorubah tha, “Arüngyam thsülopü thsungkheaknü isa she nüsa lung rukhüh thsanü, nüsanü kingaünkhi Thrünpuh ju lang isanü she kingaünchoh, tüsho Asiria kiulongthsüpuh Esarhaddon nü isa ha ching bedarükhi kim chingnü kingaünchoh.”

EZRA 9:13

Jurü alala isa münean tüsho amülim dünkheak dünjialalashe, isanü mükheahlah, isa Thrünpuhnü isa kheak thülünkhi kheaknü nükde thsümüchido tüsho isa khürü rhangdung lashih.

NEHEMIA 1:5

Inü tha, “O Atungpuh yinmi Thrünpuh! Nü ato tüsho atrebe Thrünpuh; nü muzhorü tüsho nü yuzüng yanrübo kheak tangzüngkhi nünü zochoh.

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

MUNGSHIKHÜN 66:5

Arang tüsho Thrünpuh rhimobo kheahang; apinü mihtsürü tsührübo kilim rhimokhi atrebe lah.

ABEKHIT 18:8

Tüsho Mosanü Pharao tüsho Ijiprü kheak Israel thsungkheak Atungpuhnü arhimokhi alala, limro ching küpkhuk arübo kheak arükhi alala, tüsho Atungpuhnü arü bekhitkhi akü ki thaa huh.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

DANIEL 9:4

Inü Atungpuh I Thrünpuh ki tamkhüntamnü tüsho neak alokhide tha, “ O, Atungpuh , ato tüsho atrebe Thrünpuh, shepünü nü muzhorü kheak tangzüng tüsho mihmüthsüm zocho tüsho nü yukhüm zocho,

DANIEL 9:6

Isanü nü mung chingnü isa kiulongthsürübo, yakzanshuhrübo, isa jipürübo, tüsho lomi mihtsürü alala ki asukkhi nü yamlarübo ki mani.

DANIEL 9:8

O Atungpuh , isa le isa kiulongthsürübo, isa yakzanshuhrübo tüsho isa bebuhrünü isanü nü azhihde neak yihbeakkhi hode isa miro müdünkhit.

LEVI 26:18

Harübo dünjishu she nüsanü I yu manisho, kheaküshe nüsa neak dünkheak inü thüne ki thsümüchibah.

LEVI 26:21

Kheaküshe nüsanü I azhihsho tüsho I yu manisho, nüsa neak dünkheak thüne ki mutuklode athsümüchibah.

LEVI 26:24

inü she nüsa kheak azhihbah, tüsho nüsa neakbo dünkheak inü thüne ki thsümüchibah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

YUZÜNGTHALO 7:12

“Tümütüsho nüsanü harü yuzüngbo anide arhimokhi hode, Atungpuh nüsa Thrünpuhnü nüsa kheak tangzüngkhi tüsho nüsa bebuhrü kheak mihmüthsüm jihpü alokhikhi zobah.

YUZÜNGTHALO 7:13

Tüsho apinü nüsa muzhobah, müngühjihbah, tüsho wüh bushihbah; apinü nüsa pang chingnü aso asoshihpü tüsho alo chingnü aso asopü müngühjihbah; nüsa hi, yukhu, müdangke, moshibo tüsho mihnu boto nüsa jihshihpü apinü nüsa bebuhrü ki thiyuchihchimkhi lo ching müngühjihde abushihbah.

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.

YUZÜNGTHALO 7:9

Jumonü Atungpuh nüsa Thrünpuh ju Thrünpuh, thiyuronü tangzüngkhi tüsho amüthsüm chithürü lünbo ching, sherünü api muzhocho tüsho thiyukhüm anirü kheak thiyuro Thrünpuh ah de mükheahang;