NEHEMIA 9:26 - AMÜSÜH HÜM CL Bible (BSI)

²⁶ Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

NEHEMIA 9:26 Iomraidhean Croise

1 KIULONG THSÜRÜ 14:9

tüshe nünü nü müngüh larü alala kheaknü alübe amülim rhimodo tüsho nü thsungkheaknü püpü thrünpuhbo tüsho sangthsübo I bukakhiukshihde thsü, tüsho nü dunglim I nima bahdo;

1 KIULONG THSÜRÜ 18:13

Jezebelnü Atungpuh wukihrübo laksahchoki, inü künangde A TUN GPU H wukihrü chi khülang ramkhide arü thünim thünim lungkhün mahne ching jihshihkhea tüsho arü kilim yikhap le ke jihkhi inü I tungpuh ki mütha de?

1 KIULONG THSÜRÜ 18:4

küyimki Jezebelnü A TUN GPU H wukihrübo laksahkhamkhea, Obadianü wukihrü chi khülang bea lubah arü thünim thünim lungkhün mahne ching jikshih, tüsho arü kilim yikhap tüsho ke jih.)

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

2 KIULONG THSÜRÜ 21:10

Atungpuhnü api yamlarü wukihrübo hode tha,

2 KIULONG THSÜRÜ 21:11

“Tümütüsho Juda kiulongthsüpuh Manasenü harü athraneanbebo yihbeak, api müngüh larü Amorrü kheaknü alü amütsü rhimodo, tüsho Juda she api sangthsübo lung neak yihbeakshih;

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

NEHEMIA 9:18

Arünü sangthsü moshi nunu pang yande thsü tüsho ju thrünpuhnü arü Ijip chingnü bekhit de tha! Arünü küdükhüh mükhemükimde, Atungpuh !

NEHEMIA 9:29

Nü yuzüng anishihpü nünü arü ki müzünde tha, tüshe arünü ha anibah rhangdung lapü thsüthsü she arünü kükheangde nü yakzan mani, tüshe nü yakzan azhihde neak yihbeak. Mulong müküpde tüsho nihnihde, arünü mihyuanipü reanglo.

NEHEMIA 9:30

Kam ashang nünü arü ki arümkheam, tüsho nü memüsühnü wukihrübo hode thashih; tüshe arü nükhünnü mani, jumonü nünü arübo püpürü lomi khah ching jihabah.

MUNGSHIKHÜN 50:17

Tümüde nünü adanyukkhi thraneanchoh, tüsho I yubo nü dunglim bahchoh.

JEREMIA 16:11

Judüki nünü arü ki thabah: ha tümütüsho nüsa jipürünü I bahyuk, Atungpuhnü thachoh, tüsho püpürü thrünpuhbo dunglim yübah tankih tüsho kingaün, tüsho I bahyuk tüsho I yakzan muzo;

JEREMIA 2:30

Inü akeangkeang ching nüsa tsührübo shikdo; athsülangkhi arünü tümü müleangkhi. Nü nukshangnü nüsa yo wukihrübo athsümünimbe kekhüzünü nangde muyuabahdo.

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

JEREMIA 42:19

Atungpuhnü nüsa ki thado, O aningkhi Juda, Ijip lim düyü. Inü khihni nüsa ki thakhi tsüde lümrhangang,

TÜZHOKHI 3:42

Isanü lakmünimdo tüsho azhihdo tüsho nünü neak mübahjih.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

MATHI 21:35

Thulu-mücherünü api yamlarübo ram; arünü khülang lak, püpü laksah, tüsho asampü ju lungnü king.

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

YUZÜNGTHALO 32:14

Moshi chingnü niuhke kingkungkhi tüsho mihnu chingnü niuhke, namfimihnunu tüsho namfimihnupung müdang bede, Bashan namfimihnupung amokhitkhi, atsüdak wheat hi tüsho amokhitkhi yukhu nünü yung. @SP ACE=

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.