NEHEMIA 9:25 - AMÜSÜH HÜM CL Bible (BSI)

²⁵ Müküpde chipi ayünkhi kiutobo, lotsülo, lakhitnü amikhi yambo, kiua lakhi kekhipbo, tüsho kurungasolu, oliv dungbo, nü mihtsürübonü yankhia lu. Arü künkhi tsühde shihkih; nünü ajihkhi kukruk atsübo ching arü reangkeamde asüh. @1-LINE- SP ACE=

NEHEMIA 9:25 Iomraidhean Croise

1 KIULONG THSÜRÜ 14:9

tüshe nünü nü müngüh larü alala kheaknü alübe amülim rhimodo tüsho nü thsungkheaknü püpü thrünpuhbo tüsho sangthsübo I bukakhiukshihde thsü, tüsho nü dunglim I nima bahdo;

1 KIULONG THSÜRÜ 8:66

Atizheah nipü mihtsürübo thiyia tsoshih; tüsho arünü kiulongthsüpuh müngühjih, tüsho Atungpuhnü api yamlarü David tüsho api mihtsürü Israel ki atsü alala huhkhi dünkheaknü asühachihde tüsho mulong asühde arübonü arü yam lim yü.

NEHEMIA 9:35

Arünü arü kiulongthsü ching, nünü arü kilim jihkhi nü tsüdakkhi ching, tüsho nünü arü müngüh zojihkhi ato tüsho lotsülo ching nü mütankih; tüsho arünü amütsü rhimo chingnü murholo.

MUNGSHIKHÜN 105:44

Apinü arü kilim khiungkerü lobo jih, tüsho arünü trükshihbo khuksahkhi yamrüplurüp lu,

MUNGSHIKHÜN 65:11

Nünü kam ju nü muzhomopungkhinü rünkhitshih, tüsho suhdahkhinü nü lolungbebo zhikhiukshih.

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

JEREMIA 31:14

Tsühyungpü akebenü inü amükeamrübo bukthsüshihbah, tüsho I mihtsürübonü I muzhomopungkhi ching reangkeambah, Atungpuhnü thachoh.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

DANIEL 11:24

Thiyusheak müjihde apinü kiuthsü lakhit dangpung ching azahbah; tüsho api jingyanrü bolung ayankhikhi kukruk chamachih-a lude anihbuh jipürü shenü she küyimkishe mürhimokhi rhimobah. Apinü chipi ayünkhibo kheak azhihde lümkhi thsübah, tüshe kim anükhüh thsungkheak lang alabah.

HOSEA 13:6

Küyimki inü arü yimkipkheanü, arü reangkeam tüsho arü mulong kükheangde kam; jumonü arünü I mihabah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

YUZÜNGTHALO 3:5

Harü kiutobo alala chipi achangnü tüsho chipimurung le akhrihbe thsübah alakheah, tüsho chipi müthsükhi kiutobo she ahihdo lakheah.

YUZÜNGTHALO 32:13

Apinü api alomi achang kheak binshih, tüsho apinü thulu chingnü akhiukkhi tsüh; tüsho apinü api mukhuke lung chingnü ngüshih, tüsho lungtraktrak chingnü müdangke akhiukshih.

YUZÜNGTHALO 32:14

Moshi chingnü niuhke kingkungkhi tüsho mihnu chingnü niuhke, namfimihnunu tüsho namfimihnupung müdang bede, Bashan namfimihnupung amokhitkhi, atsüdak wheat hi tüsho amokhitkhi yukhu nünü yung. @SP ACE=

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.