NEHEMIA 9:24 - AMÜSÜH HÜM CL Bible (BSI)

²⁴ Jumonü mihtsürübonü yübah Kanan lo müküh-a lu; nünü arü miki ju lo ching larü Kananrü, kiulongthsürü tüsho mihtsürübo junoshih, junangde arünü akünkhi arü kheak rhimo.

NEHEMIA 9:24 Iomraidhean Croise

1 KIUTHSÜYUKHEAN 22:18

“Atungpuh nüsa Thrünpuh nüsa lung müla de? Apinü thrip abande nüsa kilim mungtsü müjih de? Tümüde apinü lomi ching larübo I khah ching jihdo; tüsho lomi ju Atungpuh le api mihtsürü müngüh khenoa lah.

ESTER 9:5

Jumonü Jihudarünü arü riri kheak tümü rhimobeanü ju athrünkhi rhimokhuk. Arünü thsühnuk shuhbah yande laksah.

WÜHKHE 14:31

Tüshe thsümütsü ngübah de nüsanü athakhi nüsa tsührübo a, nüsanü abahyukkhi lomi ching inü bede yüzahbah tüsho arünü ju lomi mükheahbah.

2 TIMOTHI 2:26

tüsho arübo ju api lümkhi rhimoshihpü ramkhi amünean zheang chingnü atsokhitbah.

JIHUSUA 10:40

Jumonü Jihusuanü lomi alala, awung lomi tüsho Negeb lokeam lobo, adüpheak tüsho arü kiulongthsürü alala yankhitkham; apinü sheshe maningshih, tüshe sheak thsükhi alala Atungpuh Israel Thrünpuhnü thiyukhüm jihkhi yande thsümünimjih.

JIHUSUA 11:23

Junangde Atungpuhnü Mosa ki thiyukhüm jihkhi yande Jihusuanü lomi alala yankhia lu; tüsho Jihusuanü jurübo Israelrü kilim nihbuh yo thsüpü chamachih-a trük abande jih. Jushu mihtsürübo keochihkhi chingnü sühakhim.

JIHUSUA 12:12

Eglon Gezer,

JIHUSUA 12:24

tüsho Tirza–alalanü kiulongthsürü 31.

JIHUSUA 18:1

Arünü alomi kukkhit dunglim mükühabahshu, Israelrü lüpdükhi Shilo ching mukhung tüsho Atungpuh shorupung khimyam khülang thsü.

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.

JIHUSUA 21:45

Atungpuhnü Israelrü ki tangzüngkhi atsübo khülang lang she mülakphah; alala dünjido.

MAHKHAPRÜ 4:23

Jumonü ju nimung Thrünpuhnü Kanan kiulongthsüpuh Jabin ju Israelrü miki khenoabahjih.