NEHEMIA 9:15 - AMÜSÜH HÜM CL Bible (BSI)

¹⁵ Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

NEHEMIA 9:15 Iomraidhean Croise

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 114:8

shepünü lungto ju kekhip, lungmüzhak ju kenü kamshih.

ABEKHIT 16:4

Judüki Atungpuhnü Mosa ki tha, “Kheahang, inü nüsa thsungkheak yinmi chingnü yikhap akishihbah; tüsho mihtsürübonü wukhiukbah nimung shihcham thsükhi lubah, junangde arünü I yakzan ching tsahba shi yungnü inü amütsanbah.

ABEKHIT 17:3

Ju ching mihtsürübo kethüri tüsho Mosa azhihde dapdapneangneangde tha, “Tümüde isa le isa tsührübo tüsho akam-shiwühbo kethürinü asheshihpü Ijip chingnü abekhitkhea?”

ABEKHIT 17:6

Kheahang, I nü müngüh Horeb kheak zhipbah; nünü lungto kheak rhapbah tüsho ke akhiukbah, junangde mihtsürübonü ayungbah.” Tüsho Israel azothsürübo mikinü Mosanü jude rhimo.

ABEKHIT 6:8

Tüsho inü Abraham, Isak tüsho Jakob kilim jihpü thiyuchihchimkhi lo ching inü nüsa bede yüzahbah; inü ju nüsa yamrüplurüp thsüde ajihbah: I Atungpuh ah.”

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

EZEKIEL 20:15

Kheaküshe inü arü kilim jihkhi lomi, niuhke tüsho mukhuke bukkhi lomi, khide akhamkhi lomi ching bede marüpü arü ki inü sunglo ching thiyuchihchim thsü,

WÜHKHE 14:30

Jephunne tsührü Kaleb tüsho Nun tsührü Jihusua ane kheak hode, nüsa sheshe inü alokhikhi lo ching müyüzah.

YUZÜNGTHALO 1:21

Kheahang, Atungpuh nüsa Thrünpuhnü nüsa müngüh alo zojihlah; Atungpuh nüsa bebuhrübo Thrünpuhnü athakhi nangde, nüsa wutuang tüsho ju luang; dütre yungsho mulong dünini.

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.