NEHEMIA 9:11 - AMÜSÜH HÜM CL Bible (BSI)

¹¹ Nü mihtsürü thsungkheak nünü keto azüshihde limro huh, tüsho arü akung lo ching bekhiung. Arü müshamrü lung keto asük ching jipyukkhi nangde thüraksah.

NEHEMIA 9:11 Iomraidhean Croise

MUNGSHIKHÜN 66:6

Apinü keto ju akung lo kamshih; arünü jingnü ayung hode yü. Isanü ju ching api lung asühachih.

MUNGSHIKHÜN 78:13

Apinü keto azüshih tüsho arü hoshih; tüsho apinü kebo ju rhübo nangde zhipshih.

ABEKHIT 14:14

Atungpuhnü nüsa thsungkheak keochihbah, tüsho nüsa zhikde laang.”

ABEKHIT 14:25

Tüsho apinü arü khora-lolungbe jingbo wukhiukshih, junangde arünü abepü küpkhukde kam; tüsho Ijiprünü tha, “Israel mikinü isa tsoanü, tümüde Atungpuhnü Ijiprü azhihde arü thsungkheak keochihjihchoh.”

ABEKHIT 14:29

Tüshe Israelrü a kero phulung ching alo akung kheaknü tsah, tüsho kebo ju arü khah tsülim tüsho huzulim rhü nangde alakheah.

JEREMIA 32:20

Nünü amütsanbo tüsho khinthiyinbebo Ijip lomi ching tüsho khihni nimung ching Israel tüsho mihtsürü alala ki huhdo, tüsho khihni nimung khiungde nü mung lashihlah.

1 KORINT 10:1

Keoniorübo, isa jipürübo amo khüp lakheah, tüsho alalanü keto hokheah de nüsanü lümkhitshihnelah,

IBRI 11:29

Akin hode mihtsürübonü alo akung kheak nangde Amürüm Keto ho; tüshe Ijiprü a ju ruk thsüpü mürangchoki thüraksahabah.

AMIKHEAKAKHIUKKHI 18:21

Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo;