NEHEMIA 9:1 - AMÜSÜH HÜM CL Bible (BSI)

¹ Ju khinu nimung mukukheak phüyi ni Israelrübonü shungliukhim phuyu tüsho arü ku kheak asungthulung kamkihde khümkeak thsüde mukhung.

NEHEMIA 9:1 Iomraidhean Croise

2 SAMUEL 1:2

Nimung asampü ching mihtsürü khülang khim thorüpa tüsho aku kheak alo yihkihbah Saul binkheampung chingnü arü. Küyimki api David ki arükhea, apinü akin jihde alo kheak mükhüm.

2 KIUTHSÜYUKHEAN 20:3

Jehoshaphatnü trede alakheah; apinü Atungpuh yimpü thsakham, tüsho Juda alala ching, khümkeak thsüpü zhiyuk.

2 KIUTHSÜYUKHEAN 7:10

Khinu thüne nimung mukukheak mahsam nipü, Atungpuhnü David tüsho Solomon le api mihtsürü Israel kheak atsü huhkhi hode apinü mihtsürübo asühachihde tüsho me atsü chingnü arü khimyam lim yüshih.

EZRA 8:21

Judüki isa tsührübo, kukrukbo tüsho isa thsungkheaknü limro mukhiungarihdo yimkhita lupü thsüde, Thrünpuh ki isa küdah thsüde azhihayihde khümkeak thsüpü Ahava ayung kinü inü zhiyuk.

EZRA 8:23

Jumonü isanü Thrünpuh ki isa kümshihpü khümkeak thsü tüsho tamkhüntamnü, tüsho apinü isa tamkhüntamnübo alojih.

NEHEMIA 8:2

Jumonü Ezranü khinu thüne atan nipü amukhungrü miki hande arü– athrürübo, aliberübo, tüsho azürü alalanü tsüde anikhit.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ESTER 4:3

Kiulongthsüpuh yukhüm khiungkhi lomi alala ching, Jihudarü atüzhokhi ato lakheah. Arünü khümkeak thsüde trip, tüsho mitripde ahihkhühnü shungliukhim phuyubah awah ching awuh.

JOB HU H T ANYU 2:12

Küyimki arünü api limshu chingnü angükhea, arünü api mükheahmütsan, arünü arü düsheak akhiuk tüsho achangnü trip; arünü atüzhokhi huhpü arü shulünkhimbo thorüp tüsho arü ku kheak asungthulung kamkih.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

JOEL 2:12

Kheaküshe, Atungpuhnü thachoh, khümkeak thsüde, tripde tüsho tüzhode, nüsa mulong alalanü I kilim rholoang.

LEVI 23:34

Israelrü tsührübo ki thaang: Ha khinu thüne nimung thürükheak phüngü ninü ründe nimung thüne khiungde Atungpuh miki arüngkhimyam thünio labah.

LEVI 23:39

Jumonü küyimki nüsa lu yimlubanü khinu thüne nimung thürükheak phüngü ninü ründe nimung thüne Atungpuh thünio mungang; atan ni tüsho atizheah nipü ju sühakhimkhi amunimungbo labah.

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

AMIKHEAKAKHIUKKHI 11:3

Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”

MAHKHAPRÜ 20:26

Judüki Israel mihtsürü bonungrü athrünkhi wutubah Bethel ching arü tüsho trip; arünü Atungpuh miki bin tüsho ju nimung arelim khiungde khümkeak thsü, tüsho Atungpuh miki taka kingaünkhi le mungtsü kingaünbo jih.

1 SAMUEL 4:12

Benjamin mihtsürü khülang ju nimung akhimmihbo thorüpa tüsho aku kheak alo kihbah, keochihpung chingnü alihde Shilo ching arü.

1 SAMUEL 7:6

Jumonü arünü Mizpa ching bemukhung, tüsho ke khipbah Atungpuh miki buka bah. Arünü ju nimung khümkeak thsü, tüsho tha, “Isanü Atungpuh azhihde neak yihbeakdo.” Tüsho Samuelnü Mizpa ching Israel mihtsürü mahkhap.