NEHEMIA 8:9 - AMÜSÜH HÜM CL Bible (BSI)

⁹ Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

NEHEMIA 8:9 Iomraidhean Croise

2 KIULONG THSÜRÜ 22:11

Küyimki kiulongthsüpuhnü yakzan hüm yubo sokhea, apinü khimbo thorüp.

2 KIULONG THSÜRÜ 22:19

tümütüsho arübo zhikrangkhündo akampü tüsho muthrumüneanpü ha dangpung tüsho mihtsürübo azhihde inü athachoki nünü sobah nü mulong azhihayihde nünü Thrünpuh miki mushu, tüsho nünü nü khimmih thorüp, tüsho I miki trip, inü she nü ki sojihdo, Atungpuhnü thachoh.

2 KIUTHSÜYUKHEAN 15:3

Kim ashangkhüh Israel a thiyuro Thrünpuh mübede, thsangyurü amükeamrü mübede, tüsho yakzan mübede alakheah;

2 KIUTHSÜYUKHEAN 30:22

Hezekianü Atungpuh tankihkhi ju anikhitkhi atsü huhrü Levirü alala ki mulong toshihde asuk. Jumonü mihtsürübonü Atungpuh arü jipürü Thrünpuh kilim mungtsü kingaün tüsho makshe jihde nimung thüne thünio jimpung tsüh.

2 KIUTHSÜYUKHEAN 34:19

Küyimki kiulongthsüpuhnü yakzan yubo sokhea, apinü anihbuh khim thorüp.

2 KIUTHSÜYUKHEAN 34:21

“Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

2 KIUTHSÜYUKHEAN 35:3

Apinü Israel alala thsangyurü tüsho Atungpuh kilim müsühde alarü Levirü ki tha, “Amüsüh sangdan ju Israel kiulongthsüpuh David tsührü Solomonnü athsükhi yam ching yuka zoang; kheaküa nüsa dubuh kheak hanpü yihnüpü müla. Kheakü Atungpuh nüsa Thrünpuh tüsho api mihtsürü Israel tankihang.

EZRA 2:63

amükeamrünü Urim tüsho Thummim dap mübahyikia arübonü Thrünpuh kingaünkhi jimpung tsühpü mukuk de kovünornü tha.

EZRA 7:11

Ezra, amükeamrü tüsho athrütakhinrü, shepü Atungpuhnü Israelrü kilim yakzan jihkhi achiaying yüzahde mükheahkhea, api kilim Artazerzesnü mütsan-hüm ha jih:

NEHEMIA 10:1

Akhuh mütsan-dokhi ju, Hakalia tsührü kovünor Nehemia, jushu Zedekianü do. Jushu harübonü do:

NEHEMIA 12:26

Harübo Jozadak tsührü Jeshua tsührü Joiakim, Nehemia kovünor, tüsho athrütbuh Ezra amükeambuh arü kim ching lakheah.

NEHEMIA 7:65

Jumonü amükeamrünü Urim tüsho Thummim mümüchityichoki Thrünpuh ki kingaünkhi tsühyungpü ju arünü atsühpü mukuk de arü ki Jihudarü kovünornü tha.

NEHEMIA 7:70

Arüngyam thsüchoki jihchungrübo: Kovünornü ajihkhi–suna khahngak 8, amükeam-phurusük 50, amükeamrübo thsungkheak shulünkhim 530.

NEHEMIA 8:2

Jumonü Ezranü khinu thüne atan nipü amukhungrü miki hande arü– athrürübo, aliberübo, tüsho azürü alalanü tsüde anikhit.

T H S AN GYU T H S AN GR ARÜ 3:4

atrippü kim khülang, tüsho amünepü kim khülang; atüzhopü kim khülang, tüsho atsünpü kim khülang;

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

LEVI 23:24

Israelrübo ki thaang: Khinu thüne atan nimung nüsanü sühakhimkhi, lümrhihkhi amüsüh amukhung, khungpi khungde mungang.

MALAKI 2:13

Tüsho nüsanü ha she rhimochoh: Nüsanü tripde tüsho ashede chikebonü Atungpuh kingaün sadam lüpdochoh, tümütüsho apinü kheaküa nüsa khah kheaknü kingaün mükheahne yungsho nüsa khah kheaknü lunede müleangkhi.

ROMRÜ KILIM PAULNÜ ATHRÜTKHI KIHÜM HUHTANYU 3:20

Tümüde mihtsürü sheshe yakzan rhimokhinü api miki alim müthsü, tümütüsho yakzan hode neak mükheahkhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 7:9

Khülangki I yakzan chingnü chamkhibah rhangdung lakheah, tüshe küyimki thiyuzüng arükhea, neak ju arhang kamlo tüsho I sheabah;

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

YUZÜNGTHALO 16:11

Nü tüsho nü tsührü le tsührübe, nü yamlabuhrü le yamlaberü, nüsa chipimurung khüp lakhi Levirü, hanrü tüsho mürerü tüsho nüsa lung lakhi khimoberü alalanü Atungpuh nüsa Thrünpuhnü api mung zopü mokhitkhi dangpung chingnü Atungpuh Thrünpuh miki asühachihang.

YUZÜNGTHALO 26:14

Inü ju I tüzhode alachoki kim ching mütsüh, yungsho mümüsühkhi rhimo thsungkheak inü müyihkhit, yungsho asherü kilim müjih. Inü Atungpuh I Thrünpuh yu anido, tüsho nünü I ki thiyukhüm jihkhi yande rhimodo.

JAKOB 4:9

Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.