NEHEMIA 8:6 - AMÜSÜH HÜM CL Bible (BSI)

⁶ Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

NEHEMIA 8:6 Iomraidhean Croise

THRÜNTAN 14:22

Tüshe Abramnü Sodom kiulongthsüpuh ki tha, “Inü thüning tüsho alomi Thrünrü Khide Achang Thrünpuh ki I khah chungkihdo, tüsho thiyuchihchim ludo,

THRÜNTAN 24:26

Judüki mihtsürünü aku mükhüm tüsho Atungpuh kingaün.

1 KIUTHSÜYUKHEAN 16:36

Akheam mülakhi chingnü akheam mülakhi khiungde, Israel Thrünpuh, Atungpuh shiang.” Judüki mihtsürü alalanü tha, “Amen!” tüsho Atungpuh shijih.

1 KIUTHSÜYUKHEAN 29:10

Judüki amukhungrü alala mikinü Davidnü Atungpuh mung shi; Davidnü tha: “Nü shijihchoh, O Atungpuh , isa Israel jipürü Thrünpuh, lünnü akheam müla.

1 KIUTHSÜYUKHEAN 29:20

Judüki Davidnü amukhungrü alala ki tha, “Atungpuh nüsa Thrünpuh shijang.” Tüsho amukhungrü alalanü arü jipürü Thrünpuh, Atungpuh shijih, tüsho arü ku mükhümde Atungpuh tüsho kiulongthsüpuh miki akin jih.

2 KIUTHSÜYUKHEAN 20:18

Judüki Jehoshaphatnü amiro alo lim kheahde mükhüm, tüsho Judarü tüsho Jirusalem ching larü alala Atungpuh miki kingaünde mükhüm.

2 KIUTHSÜYUKHEAN 29:10

Kheakü ha Atungpuh , Israel Thrünpuh kheak tangzüng khülang thsüpü inü mulonglah, junangde api bukakhiukkhi amüshak isa kheaknü rholode atsobah.

2 KIUTHSÜYUKHEAN 29:30

Kiulongthsüpuh Hezekia tüsho atorübonü, David tüsho angürü Asaph yubo bede Atungpuh kilim mungshi khün thsüshihpü Levirübo kilim thiyukhüm jih. Arünü asühde mungshi khün thsü, tüsho arünü khukning tüsho kingaün.

2 KIUTHSÜYUKHEAN 6:4

Tüsho apinü tha, “Atungpuh , Israel Thrünpuh shiang, shepü khah hode api münnü I buh David ki alokhikhi dünjishihde tha,

NEHEMIA 5:13

Tüsho I chim rümkhi shulünkhim dütründe inü tha, “Alokhikhi yande mürhimorü Thrünpuhnü ha ruk dütrünbah. Thrünpuhnü nüsa yambo tüsho nüsa kukruk tümü she maningshihde luakhinbah.” Mukhunga larü mihbüm abannü “Amen!” thsü tüsho Atungpuh mung shi. Tüsho limberübonü alokhikhi yande rhimo.

NEHEMIA 8:7

Jushu arünü nihbuh binpung wusu, tüsho Levirübo harünü arü ki yakzan thathünaka huh: Jeshua, Bani, Sherebia, Jamin, Akkub, Shabbethai, Hodia, Maaseia, Kelita, Azaria, Jozabad, Hanan, Pelaia.

MUNGSHIKHÜN 134:2

Arüngakopung ching nüsa khahbo shuhkihang, tüsho Atungpuh shiang.

MUNGSHIKHÜN 141:2

Nü miki I tamkhüntamnü ju rhümthüneabe nangde, I khah shuhkihkhi ju arelim tamkhüntamnü nangde lashang.

MUNGSHIKHÜN 28:2

Inü arung thsungkheak nü ki zhide, nü amüsüh arüngyam lim I khah chungkihchoki, inü amushukhi düsheak sojang.

MUNGSHIKHÜN 41:13

Israel Thrünpuh Atungpuh shiang! kheakü tüsho lünnü api shiang! Amen! Amen!

MUNGSHIKHÜN 63:4

Junangde I lakhi khiungde nü shijihbah; nü mung ching inü I khah shuhkihbah.

MUNGSHIKHÜN 95:3

Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

ABEKHIT 12:27

Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

JEREMIA 28:6

tüsho wukihbuh Jeremianü tha, “Amen! Atungpuhnü jude thsüshang; Atungpuhnü nünü müchitkhi yubo dünjishang shi, tüsho Atungpuh yam ching yo phühlungbo tüsho ramtsorü alala Babilon chingnü ha dangpung belode arüshang shi.

TÜZHOKHI 3:41

Isanü isa mulongbo, isa khahbo Thrünpuh kilim yinmi ching shuhkihanü.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

1 KORINT 14:16

Nünü menü Thrünpuh ki mungshi jihsho, manikhitrü bolung larünü nünü athakhi yu mümükheahle küde thsah nünü makshe jihkhi ching “Amen” de athaba?

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

AMIKHEAKAKHIUKKHI 7:11

Tüsho yunirü alalanü kiulongthsü-binkiu, azothsürübo tüsho arhang shiwüh phüyi mükamde zhip, tüsho kiulongthsü-binkiu miki arü miro mükhüm tüsho Thrünpuh kingaünde