NEHEMIA 8:17 - AMÜSÜH HÜM CL Bible (BSI)

¹⁷ Ramtso chingnü alunglorü alalanü yünshim thsübah ju ching la; tümüde Nun tsührü Jihusua kim chingnü rhimode arüchoki Israelrünü ha ruk nioa mükheah. Tüsho arü asühachihkhi ju ato lakheah.

NEHEMIA 8:17 Iomraidhean Croise

1 KIUTHSÜYUKHEAN 29:22

tüsho ju nimung arünü tode asühachihde Atungpuh miki tsühyung. Arünü mahnepü ching David tsührü Solomon kiulongthsürü kamshih; tüsho arünü Atungpuh miki api yakzanshuhrü tüsho Zadok amükeamrü thsüpü mujude-mokhit.

2 KIUTHSÜYUKHEAN 30:26

Jirusalem ching asühachihkhi ato lakheah, tümüde Israel kiulongthsüpuh David tsührü Solomon kim chingnü Jirusalem ching ha ruk mülaakheah.

2 KIUTHSÜYUKHEAN 35:18

Amükeambuh Samuel nimungbo chingnü ha ruk phungho-thünio Israel ching mümungakheah; Josia, amükeamrü, Levirü, bede alarü Juda tüsho Israel alala tüsho Jirusalem ching larünü amungkhi ruk Israel kiulongthsürü shenü hadürü phungho-thünio mümungakheah.

2 KIUTHSÜYUKHEAN 8:13

nimung aban yihnüpü rhimo, Mosa yukhüm yande amunibo, khinu aso, tüsho kam kheam thünio mahsam thsungkheak jih–phaüm muyukkhi thünio, yimlukhi thünio, yünthsünio.

EZRA 3:4

Thrüta lakhi yande arünü thüyam arüngde nio; nimung abande yihnüpü lakhi kingaün jih.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

YUZÜNGTHALO 16:15

Atungpuhnü amokhitkhi dangpung ching nüsanü Atungpuh nüsa Thrünpuhnü nüsa rhimokhibo tüsho nüsa khahnü arhimokhi ching müngühjihbah; junangde nüsa tsükjide asühachihbah.

IBRI 11:13

Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan.

IBRI 11:9

Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la.

IBRI 4:8

Tümüde Jihusuanü arü kilim sühakhim jihkhülaa, Thrünpuhnü ashulim nimung püpü dünkheak masuka labah.

JIHUSUA 1:1

Atungpuh yamlarü Mosa she dunglim, Nun tsührü Jihusua, Mosa rungbuh ki Atungpuhnü tha,