NEHEMIA 8:16 - AMÜSÜH HÜM CL Bible (BSI)

¹⁶ Jumonü mihtsürübonü hande arübah arü yam kheak, thüyam ki, arüngyam yeande, Ke Chipiripit yean wungdo limro tüsho Ephraim Chipiripitbo ching yünshimbo thsü.

NEHEMIA 8:16 Iomraidhean Croise

2 SAMUEL 11:2

Ha dünji, arelim küyimki David ayapkiu kheaknü asürübah kiulongthsürü yam kumung tsahde alakhea, apinü aliberü khülang kemüyihde thüyam kheaknü ngü; alibe ju khide akheahpü atsü lakheah.

2 KIULONG THSÜRÜ 14:13

Israel kiulongthsüpuh Jehoashnü Ahazia tsührü Joash tsührü Juda kiulongthsüpuh Amazia Beth-shemesh ching kuk; api Jirusalem ching arü, tüsho apinü Ephraim ripit chingnü amühit ripit khiungde khahnap 400 bande Jirusalem chipi yihkheam.

2 KIUTHSÜYUKHEAN 20:5

Jehoshaphatnü Atungpuh yam ching, khikzhakpung aso müngüh Juda tüsho Jirusalem mukhungkhi ching zhip,

2 KIUTHSÜYUKHEAN 33:5

Apinü Atungpuh yam ching khikzakpung mahne ching chiningbo kingaünpü thsungkheaknü kingaün sadambo thsü.

NEHEMIA 12:37

Kedükim Chipiripit ki arünü David kiuto limpeang limduk yande wutubah David yam ho, tüsho kiuto aniakhiukhlim Ke Chipiripit lim alode arü.

NEHEMIA 12:39

ju chingnü Ephraim Chipiripit, Jeshana Chipiripit, Thüngüh Chipiripit, Hananel Aheangsadam, tüsho Chi Aheangsadam, ju chingnü Namfimihnu Chipiripit tüsho tsahde arünü Arüngyam Chipiripit kinü arün thsü.

NEHEMIA 3:26

tüsho Ophel ching larü yamlarübonü aniakhiuklim Ke Chipiripit tüsho aheangsadam khiungde thsü.

NEHEMIA 8:1

Tüsho ju khinu atan ni mihtsürü alala nihbuh langzü mihtsürü khülang kamde Jirusalem ching Ke Chipiripit müngüh wungdo limro mukhungde arü, tüsho arünü Ezra ki Atungpuhnü ajihkhi Mosa Yakzan Hüm lubah arang de tha.

NEHEMIA 8:3

Wungdo limro chipiripit ki apinü arü ki yakzan ju yapsunü animuro khiungde khe, tüsho arü alalanü keamramde ani.

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

YUZÜNGTHALO 22:8

“Küyimki nünü thüyam aso thsübanü thüyam mün yande khudopü thsang, junangde ju kheaknü khürü ayokhikhi hode nü yam kheak thiyih bukkhi amülim marü.