NEHEMIA 8:12 - AMÜSÜH HÜM CL Bible (BSI)

¹² Tüsho mihtsürü alala thüyam lim yübah tsühyungde asühachih tüsho püpürü ki she arü lakhi chamachih, tümüde arü ki khea huhkhi yubo arünü anikhit.

NEHEMIA 8:12 Iomraidhean Croise

1 KIUTHSÜYUKHEAN 29:22

tüsho ju nimung arünü tode asühachihde Atungpuh miki tsühyung. Arünü mahnepü ching David tsührü Solomon kiulongthsürü kamshih; tüsho arünü Atungpuh miki api yakzanshuhrü tüsho Zadok amükeamrü thsüpü mujude-mokhit.

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

NEHEMIA 8:11

Jumonü Levirünü mihtsürü alala keamramshihde tha, “ Keamramde laang, tümüde ha nimung amüsüh ah; lungride düla.”

NEHEMIA 8:13

Ju khinu ashidopü trük ching azothsürübonü amükeamrü tüsho Levirü lung nungbah, yakzan yubo yimpü Ezra ki mukhung.

ESTER 9:22

Harü nimungbo ju Jihudarübo arü riri kheaknü lümyinkhi; tüsho mulong thsümünimkhi adükheakbe chingnü asühpü nimung müthrikhi khinu lakheah. Harü nimungbo ching boto tsühyungachihde, tsühyungbenü thsambah khülangnü khülang ki jihachihde tüsho zhochihrü kilim thsambahbo jihshihpü arü ki thrüt.

JOB HU H T ANYU 23:12

Inü api münnü tangzüngkhi chingnü müchamachih; nimung aban I tsühyungbe kheaknü alü thsüde api yubo inü thsakhama zolah.

MUNGSHIKHÜN 119:111

Nü yukhümbo ju lünnü yamrüplurüp thsüde inü ludo, tümüde jurübo I mulong asühbe lah.

MUNGSHIKHÜN 119:127

Jumonü inü suna tüsho atsüdak suna kheaknü nü yukhümbo muzholah!

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

MUNGSHIKHÜN 119:14

Inü nü yukhüm limrobo ching khürünü lakhit ato ching asühachihkhi nangde asühachihdo.

MUNGSHIKHÜN 119:16

Inü nü yakzan thsükhibo ching asühbah; inü nü yu mümih.

MUNGSHIKHÜN 119:171

I münküpnü mungshi thabah, tümüde nünü nü yakzan thsükhibo I ki thsangyuchoh.

MUNGSHIKHÜN 119:174

Inü nü akhümkhit mürheangde lah, O Atungpuh , tüsho nü yakzan ju I asühpü lah.

MUNGSHIKHÜN 119:72

Nü mün ching yo yakzan ju I ki shotoyinchi nak tüsho suna chithürü kheaknü shoto ah.

MUNGSHIKHÜN 119:97

Küdükhüh inü nü yakzan muzhola! Inü ha dünkheak nimung amuyung lümchoh.

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

LUKNÜ ATHRÜTKHI THIYUSHEAK-ATSÜ HUHTANYU 24:32

Tüsho ane khülangnü khülang ki thaachih, “Apinü limro ching ike ki thiyu thachoki tüsho ike ki apinü amüsühyubo khimshuhchoki ike mulong alunglim maniukhea de?”

ROMRÜ KILIM PAULNÜ ATHRÜTKHI KIHÜM HUHTANYU 7:18

I kheak, I mih ching atsü tümü müla de inü mükheahlah. Inü alim rhimopü lümchoh, tüshe ju mürhimokhuk.

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.