NEHEMIA 8:1 - AMÜSÜH HÜM CL Bible (BSI)

¹ Tüsho ju khinu atan ni mihtsürü alala nihbuh langzü mihtsürü khülang kamde Jirusalem ching Ke Chipiripit müngüh wungdo limro mukhungde arü, tüsho arünü Ezra ki Atungpuhnü ajihkhi Mosa Yakzan Hüm lubah arang de tha.

NEHEMIA 8:1 Iomraidhean Croise

2 KIULONG THSÜRÜ 23:2

Kiulongthsüpuhnü Atungpuh yam ching wutu, tüsho Juda mihtsürü alala, Jirusalem ching larü alala, amükeamrübo, wukihrübo, tüsho mihtsürü alala, aninirü tüsho atorü api lung yü; Atungpuh yam chingnü angükhi tangzüng hüm yubo alala arünü sode apinü khe.

2 KIUTHSÜYUKHEAN 34:15

Hilkianü athrütbuh Shaphan ki tha, “Inü Atungpuh yam ching yakzan hüm ngüdo;” tüsho Hilkianü hüm ju Shaphan kilim jih.

2 KIUTHSÜYUKHEAN 34:30

Kiulongthsüpuhnü Juda mihtsürü, Jirusalem ching larü, amükeamrü tüsho Levirü, mihtsürü alala ato tüsho anini chido bebah Atungpuh yam ching wutu; Atungpuh yam chingnü angükhi tangzüng hüm yubo alala arünü sode apinü khe.

EZRA 7:1

Kam ahihkhüh dunglim, Artazerzes Persia kiulongthsürü thsüchoki, mihtsürü khülang amung Ezra lakheah. Apinü anihbuh jipürü Aron, Achangbe Amükeambuh yande khean: Ezra ju Seraia tsührü, Azaria tsührü, Hilkia tsührü,

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

EZRA 7:11

Ezra, amükeamrü tüsho athrütakhinrü, shepü Atungpuhnü Israelrü kilim yakzan jihkhi achiaying yüzahde mükheahkhea, api kilim Artazerzesnü mütsan-hüm ha jih:

EZRA 7:6

Babilon chingnü arübuh Ezra ha Israel Thrünpuhnü Mosa kilim jihkhi yakzan thrütakhinrü ayeanzo lakheah. Thrünpuh müngühmühi Ezra kheak lamonü, apinü akheangkhi athrünkhi kiulongthsüpuhnü jih.

NEHEMIA 12:26

Harübo Jozadak tsührü Jeshua tsührü Joiakim, Nehemia kovünor, tüsho athrütbuh Ezra amükeambuh arü kim ching lakheah.

NEHEMIA 12:37

Kedükim Chipiripit ki arünü David kiuto limpeang limduk yande wutubah David yam ho, tüsho kiuto aniakhiukhlim Ke Chipiripit lim alode arü.

NEHEMIA 3:26

tüsho Ophel ching larü yamlarübonü aniakhiuklim Ke Chipiripit tüsho aheangsadam khiungde thsü.

NEHEMIA 8:16

Jumonü mihtsürübonü hande arübah arü yam kheak, thüyam ki, arüngyam yeande, Ke Chipiripit yean wungdo limro tüsho Ephraim Chipiripitbo ching yünshimbo thsü.

NEHEMIA 8:3

Wungdo limro chipiripit ki apinü arü ki yakzan ju yapsunü animuro khiungde khe, tüsho arü alalanü keamramde ani.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

LEVI 9:5

Mosanü thiyukhüm jihkhi nangde arünü athrünkhi ashorupung khimyam müngüh handarü, tüsho amukhungrü alala phünide arübah Atungpuh miki zhip.

MALAKI 4:4

I yamlarü Mosanü thsangyukhi, inü Israel alala thsungkheak Horeb ching thiyukhüm jihkhi yakzanbo tüsho yuzüngbo lümkhitang.

MATHI 13:52

Judüki apinü arü ki tha, “Jumonü yakzan thsangyurü yinmi kiulongthsü ching jingyanrü kamrü ju thüyam putungrünü anihbuh rahpung chingnü aso tüsho awün kukrukbo lude akhiukkhi kiphahlah.”

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 23:2

“Yakzan thsangyurübo tüsho Pharisirübonü Mosa binkiu kheak binchoh.

MATHI 23:34

Jumonü inü nüsa kilim wukihrübo, lümlung larü mihtsürübo, tüsho yakzan thsangyurübo thiyibah: nüsanü khürü laksahbah tüsho ayümkihbah, tüsho khürü nüsa yo sinagogbo ching rhapbah tüsho kiuto chingnü kiuto khiungde athsümüchibah,

YUZÜNGTHALO 31:11

küyimki apinü amokhitkhi dangpung ching Atungpuh nüsa Thrünpuh miki Israelrü alala arübanü, ha yakzan nünü Israelrü alalanü sode kheang.

MAHKHAPRÜ 20:1

Judüki Israelrü alalanü Dan chingnü Beersheba tüsho Gilead lomi chingnü akhiukbah Atungpuh miki Mizpa ching mukhung.

MAHKHAPRÜ 20:8

Tüsho mihtsürü alalanü khülang ruk asürübah tha, “Isa she lang she khimyam yungsho thüyam lim müyülo.